自我記錄 - 2021年6月18日

今日0既行程可以話係同琴日一模一樣，所以心底裏面懶得好似琴日咁記錄，今日唔同0既淨係接多左幾單外賣，因為老婆lunch 後先返工。

感覺同琴日都冇乜分別，依然成日淨係諗點改變現有身活。

明天準備去玩獨木舟，好想落水靜思吓，所以心底都有啲期待，亦都期待望到香港0既海係水清到可以自由潛水，咁我就會好好考慮買部機影低香港水底0既環境。

自我記錄 - 2021年6月17日

04:00 左右被老婆整醒，之後開youtube 聽，聽左韓劇薛西弗斯解讀

05:00 左右訓返著

10:00 左右訓醒，起身刷牙食包

10:30 - 12:30 做DS公司野，主要做報價，其間不段有外賣單，但都嫌遠冇接

12:45 煎蛋同老婆食飯，覺得冇乜想食bibimbap ，但又唔知買乜食好，又想慳錢，所以照食，一邊食一邊睇咒術回戰

13:45 老婆出門口剪頭髮，我收到張近近地的外賣單，由於唔知留喺屋企做乜好，所以接左黎做

14:15 左右送完單外賣，喺惠康嘆冷氣流連，買叮叮俾老婆，之後順便去藥房買廚房紙

14:45 拎啲野返屋企，之後又有外賣單，由於唔知留喺屋企做乜好，所以接左黎做

15:15 - 15:45 送完外賣唔知做乜好，喺公園坐左陣，玩陣電話，送外賣其間聽收音機介紹有人去洞穴探險，令我越黎越想去海底自由潛水探險。

15:45 見到工人出門口接我個女放學，我先返屋企，之後都係不停上網，唔知做乜，上網搵左啲獨木舟資料，同埋香港海島資料，但都係覺得香港真係冇乜位適合自由潛水咁，因為個海實在太唔清。

16:30 實左唔知做乜好，做左廿吓掌上壓，之後記錄低啲個時間表。心底越黎越想拍片放上youtube賺錢，但浮潛片香港海水實在難拍，冇乜地方適合。

17:00 應徵左一份太陽能公司的PM，但其實心底好唔想返工，只係想行動，睇吓間公司會唔會搵我吹吓水，睇吓會唔會俾到啲insight 我。

17:15 小B返左黎，訓醒就喊，抱住佢乜都做唔到，淨係陪住佢，最後拎粒糖俾佢，氹到佢唔喊，但食飯前後都話搵阿媽而又喊。

19:00 食飯其間小B又要拎我部電話，我唔俾又喊，斷斷續續地喊，最後都冇食晒啲飯，同左佢講冇食晒飯就唔準食水果，佢又偷食，為避免俾佢偷食到太多，所以我一次過食晒佢。

20:00 左右叫佢沖涼，無端端同左佢玩互貼貼紙落對方身上，見到佢玩得好開心，我心內都覺得開心，之後又喺廁所玩泡泡，之後先沖涼，到佢沖完涼老婆先返，之後一家人食啲生果就沖涼。

22:00 沖完涼睇陣書就訓覺。