琴日美股大跌，雖然話大跌，其實都只係跌左幾個%，10%都冇，雖然今個10月袋到HKD50,000期權金，但經過琴日，睇黎30 Oct 都要以高價接FSLY及SQ貨，坐貨賬面都輸HKD30,000，總算俾我入到一直想入的ARKK，不過係要高價入囉...冇諗住rolling，只會諗用現有0既錢做Short Put 了，不過FSLY現績唔太好，今晚要嘗試及學習入痛止蝕了，之於Apple 越跌越有，下期想做short covered call 都難。下星期橫誇美國大選，所以都應該唔會有咩動作了。
創業方面都係冇乜進展，唔知幾時會唔會斷。
琴日有份半政府合約IT工請左我，不過因如人工低、距離遠再加上屋企印佣就快走等考慮，所以都係拒絕左，寧願留返啲時間湊女算。
活在當下，將來會點，到時就會知。正如十倍兄所講：只要有衣有食，就當知足。
買7751 Canon及8316係2020年3月大跌市前，一跌就不復反了，直到金日7751跌左44%，而8316就跌左21%，就咁睇Canon 財務摘要，最新季度係負收入，股價都幾難回升返，一開頭買呢兩隻日股係諗住佢派息夠頂借息，所以可以由得佢長時間跑馬仔，但大半年了股價都冇起色，令我考慮放晒啲日股，直接買返ARKK算。
呢一刻都係決定坐陣，睇佢下期派息同業積再作決定。
創業越黎越冇心除左係因為零回報之外，都有小小係因為期權回報越黎越好，Tesla short put 袋好多期權金，接左貨即刻short covered call 又袋，來來回回，呢個月袋五萬，雖然未減Apple 正股算係輸緊錢，但都不大影響，因為都係係輸緊USD1k ，仲要可以繼續做short covered call。
但始終呢個投資料方法係有風險的，所以我永遠都係如履薄冰，不過我都仲留有一手本金準備，一手槓桿準備以及一手老婆後備，再遠啲仲有加按層樓，不過當然應該唔會去到呢一步，只要TESLA、Apple、ARKK 呢啲一直向上，就算玩期權賺唔盡，但回報都已經令我好知足了。
所有野都唔駛諗太多，繼續行就得了。
差不多失業左半年，亦都俾左機會我喺呢段時間多啲同個女一齊，無論係同D創業、玩期權、陪女等等所有野都好似整定咁，結果唔知會係點，但呢家感覺都係良好。
每次同D傾電話都會開始有啲怯，因為佢每始都講出我既懶惰、弱點及藉口，難怪佢係成功嗰個，而我唔係。由於我追求0既野及物欲唔高，所以都令我想努力0既心唔強，呢家唯一令我想繼續做落去0既心純粹係因為唔想浪費左teammate及D所付出0既野。
上星期開始越黎越冇力創業，D感覺到後，同我講話唔玩了，於是我同A及C講，我已經冇乜創業心了，若佢地想繼續玩落去，我就做投資者賣FB廣告，佢地兩個都話想繼續，之後D都冇退到，繼續盡力去幫我地，而我亦都冇完全退到，有時間就盡量做小小野，繼續搵人，遊戲黎到今日已經差不多三個半月了，由於始終沒有回報，所以公司越黎越down 了，都係靠D 一真係背後push 我地，間公司先算係免強做落去，今個月都冇成果的話，應該就Game over 了。
