夢 - 夢見自己撞車

琴晚夢見自己撞車，我從來都唔係一個夠膽開快車0既人，但琴日發夢時，見住自己明明覺得有啲危險，但都不停踩油，越開越快，最後撞左，不過自己冇乜事，但乘客就好似有啲事，查一查周公解夢，解夢如下：

夢見自己開車撞車了的吉凶：

　　一鼓作氣，勇猛奮鬥，運勢浩盛，容易成功達到目的，功名成就，若原命喜火之人，妙能以此之名更加兩倍以上之輝煌成就，然若凶數則欠人助，以自力奮鬥，也易招孤苦失意，令人可惜。【大吉昌】

睇完覺得好好，係自己一直想做生意，之後就成功咁，一直都冇乜行動過咁，睇完段野好似有啲鼓勵，希望自己唔好再次淨睇唔做啦。

琴晚交收左塊二手瑜珈墊，個客問我仲有冇，即刻令我覺得可以發展吓。但係再放啲新0既瑜珈墊上網賣，啲客又好似覺得貴，冇乜興趣咁。

UA 借錢系列6 - Short Call廣汽@$7.75

6月見個價位跌到落$7，手多多做多手7月Short Call廣汽@$7.75，點知急升搞到六月@$8交貨...焗住$8.16買一手貨以防Short Naked Call。若7月要交貨，情況就會如下表。同埋唔肯定六月除淨係咪有息收。

股號	期權	期權金	買入股數	期權金	盈虧	月份
3988	Short Put 3988@3.5	HK$0.036	10000	HK$360	HK$360	Jan
3988	Short Put 3988@3.5	HK$0.041	10000	HK$410	HK$410	Mar
2238	Short Put 2238@8.5	HK$0.280	4000	HK$1,120	HK$1,120	Apr
2238	Short Put 2238@7.75	HK$0.180	4000	HK$720	HK$720	May
2238	Short Call 2238@8	HK$0.170	4000	HK$680	HK$680	Jun
2238	Dividend	HK$0.319	4000	HK$1,150	HK$1,150	Jun
2238	Buy 2238@8.16	-	-	-	-	Jun
2238	Short Call 2238@7.75	HK$0.160	4000	HK$640	HK$640	Jun
2238	loss $8.16-7.75	HK$0.410	4000	(HK$1,640)	(HK$1,640)	Jun

估市惹的禍

手頭上有兩手2238，6月頭做左兩手2238 Short Covered Call@$8，上星期頭見到股價跌到落$7，反正又除淨，估佢之後應該都唔會升返去邊，於是即刻做多兩手7 月2238 Short Covered Call@$7.75，點知琴日已經升到$7.9，若果今個月升穿$8，我就要交貨，7月冇貨喺手就變左Short Naked Call，咁就會好危險，呢家唯有望佢唔好升穿$8。之前Short Put $9 又係估錯市搞到接左貨，今次又係咁中招，真係要吸取教訓。

月結前一日升唔穿，點知最後一日就升穿...呢家唯有已現價$8.14買貨，但又唔係咁想，想賭佢跌返落去，但其實咁樣又係賭咁，佢越升越有就大獲...真係要好好吸取今次教訓。

最後$8.16買返貨，7月唔跌返落$7.75的話，佢升幾多都與我無關了。今次條數真係複雜。計過若由我$9接貨起計，減返一直做落的期權再焗住7月$7.75交貨的話，總共要蝕$0.96x4000...

書 - 『F.U. Money』及『3000元開始的自主人生』

終於睇完『F.U. Money』，呢本係我第一次完成0既英文書，唔知係因為成者Dan Lok 係香港人，定係因為我真係好想學識點樣做生意搵錢，所以覺得睇呢本書唔難亦唔辛苦，另外亦都差不多睇完『3000元開始的自主人生』，要睇0既書同要學習0既野真係永遠都學唔完，『F.U. Money』最後都提醒讀者，要行動，我亦都越黎越強烈感覺到我要行動喇，但係都係唔知點踏出第一步，唔知有咩產品或服務可以提供……但我都好想對自己講：『行動啦！仆街！』

另外，前幾日睇左殺神特攻，銘恩話啲指彈識轉彎所以好睇，但喺我0既角度係睇到個男主角想改變現狀0既生活……呢啲就係所謂0既吸引力法則！？我越喺諗人生要改變，想做生意，我就會不停搵到有關呢方面啲野黎睇。

UA 借錢系列5 - Short Covered Call廣汽@$8

上個月$7.75接左貨，之後即刻做Short Covered Call廣汽@$8，其實應該做$7.75，但之前有手$9接左貨，醒唔起就一次過做左$8。今個月除淨，將派息HK$0.319，現價$7.02，今日計落仲未蝕。

股號	期權	期權金	買入股數	期權金	盈虧	月份
3988	Short Put 3988@3.5	HK$0.036	10000	HK$360	HK$360	Jan
3988	Short Put 3988@3.5	HK$0.041	10000	HK$410	HK$410	Mar
2238	Short Put 2238@8.5	HK$0.280	4000	HK$1,120	HK$1,120	Apr
2238	Short Put 2238@7.5	HK$0.180	4000	HK$720	HK$720	May
2238	Short Call 2238@8	HK$0.170	4000	HK$680	HK$680	Jun
2238	Dividend	HK$0.319	4000	HK$1,274	HK$1,274	Jun

Short Put 接左939再Short Covered Call

五月Short Put 接左939@$6.25，收$0.0667權金，六月唯有做返Short Covered Call@$6.25，收$0.126權金。

尋找自我之旅 1 - 持續進修潛水

十年前左右喺澳洲考左OW潛水牌，年頭時發現有個持續進修基金的課程可包考埋AOW潛水牌，又俾我貪小便宜0既性格害左，咁就報左......其實記返個課程要HKD8000，持續進修基金只可claim 八成，另外仲有HKD700雜費要自費，加埋我都要實付HKD2300，而一個AOW課程都只係差不多價錢，搞到自己除左要上一啲自己唔想上0既生態堂之外，仲花左好多時間。
而上潛水堂時，竟然另我發覺原來我都幾唔鐘意揹樽潛水0既感覺，我到呢家先發現呢樣野，證明我真係好唔用心去了解自己......第一次上潛水堂時喺船上嘔到七彩，我記得以前考OW都係咁，琴日上潛水堂前又肚疴，夜晚返到屋企又好唔舒服，又唔夠訓，又好似發燒咁，好彩今日終於捱完。整個課程都俾阿Sir 話我做Neutral Buoyancy(中性浮力)做得好差，我自己都覺得係，真係考完AOW好似都比OW的人仲要差。見到阿Sir同啲同學好認真又有鐘意好開心好投入咁潛，我先明白佢地真係好鐘意潛水呢樣野，而我就相反。同學問我好唔好玩，我真係覺得一啲都唔好玩。其實潛水係一種要hea 0既運動，因為放鬆對做Neutral Buoyancy有好處，而且落到水就係要停喺度唔郁，我明明都好鐘意hea，但落到水就成日想郁，我都唔知自己到底係想hea定想郁喇。

喺上潛水堂前發現有Free Diving 呢樣野，呢樣係世界第二危險的極限運動，簡單黎講只係閉氣潛水，目前自由潛水閉氣最長時間的世界紀錄是11分35秒（沒有提前吸純氧）、深度是128公尺（除配重和蛙鞋之外沒有其他裝置），真係好勁。呢樣運動配合冥想會更加好，有機會可以自己去泳池試吓。

用排除發又排除埋潛水呢樣野，到底我仲要排除多幾耐先可以搵到我自己真正鐘意0既野呢!?

前排用個女張相key左落火影忍者跑法度，我都係鐘意整呢啲野，再放上網俾人贊0既感覺。

夢 - 早餐

琴日夢見自己本來喺電話約左阿A食早餐，仲叫佢幫我叫定個餐，準備行過去，點知阿B又打黎約我食早餐，唔知點解我就應承左佢，完全冇諗到阿A咁，去阿B嗰邊途中，我問阿B間餐廳喺邊，佢話喺灣仔附近，去到灣仔沿住金鐘方向行左陣都唔見間餐廳，於是打去問阿B，佢話間餐廳近金鐘，再行左陣終於見到間野，直頭喺金鐘站隔離咁滯，咁啱又撞到阿C幾個，佢地同我講佢地準備去邊，我淨係哦左一吓，心諗，佢地準備去邊關我鬼事，上到去餐廳，差不多11am，唔知點解我手上揸住左袋KFC外賣早餐，阿B仲要同另一個同事坐緊張二人枱，我心諗，咁約我仲乜，之後轉張大啲嘅枱，即刻叫左個A餐，以防夠鐘停早餐，我即向阿B抱怨，本來約左阿A，仲唔駛走黎金鐘咁遠，間野明明喺金鐘又話喺灣仔。