書 - 讓鱷魚開口說人話

呢本書個中文名真係奇怪，都係英文名HOW TO WIN FRIENDS & INFLUENCE PEOPLE好啲，上網查完，好似全部翻譯其實都係"人性的弱点"，卡內基0既書都好出名，連巴菲特都睇，睇完真係覺得有用，問題係記唔記得同埋做唔到做，作者喺開頭都叫讀者要成日翻睇同練習。

夢 - 大雜亂東西日本大戰

琴日發左個大雜亂0既夢，首先夢見東西日本大戰，夢裏見到兩隊船隊準備開戰，畫面有啲動畫feel，之後我上左去一個office 咁0既地方，裏面見到好多生命裏遇過的同事，途中見到個和尚，我就問佢東西日本點解要開戰，佢大致上話因為有兩兄弟爭做皇帝，之後我望落海，見到其中一隊船隊進攻另一隊，仲搶左佢地好多貢品，之後已經唔記得係點。

不斷嘗試，發掘興趣。

最新參加左個生態旅遊連潛水課程，琴日6am 起身去大學站跟阿Sir 去東平洲上堂，喺34度高溫暴晒下，連我都有啲曬傷，成堂課程都覺得又悶又冇乜意義咁，睇黎呢樣野都唔係太啱我，反思後，除左覺得自己真係比較鐘意大自然同埋活動類工作外，更加覺得自己唔鐘意留喺Office 對住部電腦，不過成日咁暴晒都唔係太得。撘船時同一個50歲左右的導遊同學傾偈，佢都建議向自己興趣發展，再思考深入啲，都係諗唔到自己到底想做乜，應該向邊個方向發展，但有一個念頭係，只要係自己做生意，邊行都冇乜所謂。難道我0既興趣就係做生意！？呢家我唯一可以做0既就係不斷嘗試。

夢 - 夢見被解僱

 琴日發夢夢見自己『終於』被解僱，由於公司的大客唔再同公司續約，公司要炒好多人，而我亦都係其中一個，之後F上司同我講左啲野，另外R舊同事好似有公司介紹俾我，另外J公司的J朋友就話一早叫我轉去佢地公司。或者都係日有所思，夜有所夢，因為我真係成日都諗自己會隨時被公司炒。

即刻查一查周公解夢(https://www.golla.tw/jiexi/91589/html)，好似都幾正面，大致上係話有危機感，不過其實我一向都好似呢個危機感，問題係一直冇能力破解，就算我之後被炒，都係沒有任何準備，只可繼續搵工，見步行步……

逆流大叔

琴晚終於睇晒一直想睇0既逆流大叔，由於之前成日聽銘恩講話有幾好睇，所以冇預期咁好睇，但都好值得睇。未睇已經成日好感受到隨時會被公司炒的中年危機，不過睇完又冇增加我0既危機感，又或者係就算我危機感一直存在，一直都好強，但係我都係冇辦法去解決呢個問題。其實睇過咁多書，方法都係要做生意，做自己興趣及擅長0既野，連戲中都有段係講，要聆聽心中0既鼓聲，再跟住鼓聲0既方向前進，但係我仲未聽到我心中0既鼓聲...

夢 - 升降機

呢個夢已經係幾日前，一直都未有機會寫低，個夢一開始係同靚仔一齊踢緊波，準備進攻對方龍門，而進攻對方龍門就好似打大佬咁，而大佬係田蕊妮，最後打贏左佢，但又覺得佢好慘，之後送佢返屋企，途中經過朗屏條天橋(呢次係第二次夢見朗屏條天橋)，再去到峰華邨升降機大堂，本來仲諗住送佢返佢屋企，但我一轉身按我部升降機按鈕時，佢已經自己入左佢單位部升降機，於是我就入返自己單位部升降機，本來係去一樓，我按左一樓按鈕但冇開門，之後就上到好高，途中我再按上一層的按鈕，但係都冇開門，最後上到好高，每次發親啲類似呢啲升降機夢，在夢裏都有點心寒。

貿易戰拖類跌1000點

今日貿易戰拖類恒指跌1000點，其實都只係3%左右，真正嘅投資者都係唔好估市，之後升定跌真係冇人知，都係兩手準備，升返的話有貨喺手，續跌的話又有錢買貨。

圖解獲利世代實戰操作手冊

呢本係一本工具書，我只用了一程返工的時間簡略看了一下，應該幾實用，但要邊行動邊用，現在細心看都不會記得或做到學以致用，但若真的做生意的話，可使用本書邊學邊做。

思考的藝術：52 個非受迫性思考錯誤

呢本係值得買、記錄及學以致用的書。呢本書有好多例子講出人類經常性會有的思考錯誤，有些是由於為了生存而根值於人類的基因，例如由於以前人類為了避免被野獸所補食，所以一向多其他人類逃走就會不經思考地跟著別人逃走，因為跟著別人逃走可避自己被野獸所補食，若當時根本沒有野獸都只是消耗一點體力，但若當時真的有野獸的話，自己的基因就會滅亡。所以現代人都會經常不經思考地按著身邊的人的行為而跟著一致地做。

快樂學習

小B，當你開始面對香港教育的競爭及壓力時，請不要放棄學習，看看下面的短片，再自己尋找適合自己及有興趣的學習方法。

夢 - 撘的士

前幾日發夢夢見自己一個人撘的士，坐左喺的士上層，個私機不停超車，快到我個心都離一離，之後去到朗屏邨平時人行的行人天橋位終於撞左另一架的士，裏面有一家大細又小朋友又友肚婆，幸好佢地都冇事，又剛好到達目的地直接落車返屋企，而我都俾左$100車費個司機，之後直接落車行返去阿婆度。

終於買齊本來想買的美國ETF

用左一個月時間終於買齊本來想買的美國ETF，本來諗住按照50%債券ETF 及50%股票ETF咁每月重新配置，但又覺得銀碼太細，都不宜每月改動，都係按比例投入資金繼續入貨先。