夢 - 見蛇

琴晚夢見喺個擂台度，有幾條蛇，咬損左劉詠璇脷底，佢脷底凹左好多牙坑，流晒血，但我之後(仲喺夢裏面)諗，啲蛇0既牙咁長，冇理由唔係咬穿佢條脷。

根據周公解夢大全，夢見蛇咬別人，預示某個朋友將遭到你的傷害和批評。但其實我經常傷害和批評朋友......

業績期

嘉士利 - 之前已經講過，本來見某Blogger買，又高息，所以先買，不過我自一早賣晒，總共蝕左HKD1500左右，但嗰陣叫我老婆自己用自己戶口買左5000股，我賣時，都有試過吓登入佢戶口幫佢賣，但賣唔出，之後就不了了之。呢排間公司不停借錢出去，又買入一啲奇怪資產，再加上今期業績減派息，真係好千，要止蝕。我老婆實際計蝕成30%以上，總共蝕左HKD2250左右，雖然錢唔多，但唯有自己俾返佢。

橙天 - 又係見某Blogger買，所以先買，本來已經蝕差不多50%，業績大跌9成，不派息。真係冇乜機再留呢啲股票喺手，好彩控制左注碼，都係止蝕為上。

再一次提醒自己，最好買指數......

建行及中銀 - 盈利及股息都係繼續增長5%左右，複息計，擺越耐越好，都係買呢啲公司或指數好啲。

匯賢 - 繼續維持派息，息率維持8%左右，真係唔錯，由我2017年開始買返股票計，呢隻股票係最穩陣最唔駛煩。

期權 - 中銀short put 的期權金袋袋平安。廣汽$9接左貨袋0.23期權金。盈富$29被call 走袋0.33期權金，

The Hundred Languages - Loris Malaguzzi

The Hundred Languages

No way. The hundred is there.

The child
is made of one hundred.
The child has
a hundred languages
a hundred hands
a hundred thoughts
a hundred ways of thinking
of playing, of speaking.

A hundred always a hundred
ways of listening
of marveling, of loving
a hundred joys
for singing and understanding
a hundred worlds
to discover
a hundred worlds
to invent
a hundred worlds
to dream.

The child has
a hundred languages
(and a hundred hundred hundred more)
but they steal ninety-nine.
The school and the culture
separate the head from the body.
They tell the child:
to think without hands
to do without head
to listen and not to speak
to understand without joy
to love and to marvel
only at Easter and at Christmas.

They tell the child:
to discover the world already there
and of the hundred
they steal ninety-nine.

They tell the child:
that work and play
reality and fantasy
science and imagination
sky and earth
reason and dream
are things
that do not belong together.

And thus they tell the child
that the hundred is not there.
The child says:
No way. The hundred is there.

-Loris Malaguzzi (translated by Lella Gandini)
Founder of the Reggio Emilia Approach

讓天賦自由及你比想像的更聰明

讓天賦自由大致上係講每個人都有天賦 / 天命，只係現時的教學及測驗制度只著重喺數理文字方面，但其實人類應該有多元智能，除左數理文字方面應該仲有體育、音樂、藝術等很多其他智能，書中描述了很多已找到天命的人是如何尋找到其天命及後他們尋找到天命後的成功故事。但此書沒有實際教導如何尋找到自己天命，暫時我諗到的方法仍然是多作記錄自己的生活，何時有心流 / 神馳的狀態，並多作嘗試及盡量投入去做每一件事。

你比想像的更聰明，呢本算是一本工具書，書中講述每人都有九種能力，包括了語文、音樂、邏輯、影像、肢體、人際、自然、生命，每人於每項的能力級數都不同，每人做每件事都有需要用到多種智能，例如彈琴需要用到音樂能力同時亦需要活動能力等，每項能力都可以透過唔同的練習方法提升，亦可按照你本來擅長的能力再採取有關練習方法進行練習，以便使自己較有興趣或心機對本來較弱的技能進行強化。

自我評估：

我最好的特質是甚麼？

我在那方面很擅長？還能如何改進？

我的希望和夢想是甚麼？

什麼會讓我感到快樂？

我真的想學些什麼？

我對目前的人生有什麼目標？

我對未來的人生有什麼目標？

我從過去經驗中學到些什麼？

我現在有什麼感覺？為什麼？

我如何表達我的感覺？

我有什麼信念？為什麼？

筋膜/鍵炎就診記錄

今年2月頭開始覺得右手中指僵硬痛，無法伸直，諗住擺一排睇吓會唔會自己好，點知都冇好到，亦是趁住有日早放，去左醫療咭包的一間連鎖集團睇普通科醫生，醫生俾左啲消炎止痛藥，並話若果食完藥都唔好就要睇專科打針。食左三日藥都冇好到，於是落返屋企樓下睇返睇開的普通科醫生，佢俾左另一種消炎止痛藥我試，並翻查記錄，發現我於2016年曾經出現過同樣情況，當時我一食完消炎止痛藥就好返晒。之後大半個月其間，不斷睇返樓下的醫生食返同一種消炎止痛藥都係冇乜好到，醫生話唯有『等時間過』，當時都唔係太明佢講乜。夜晚有時痛到有啲辛苦，於是又去左中醫做針灸，之前聽人講針灸係唔痛的，但由於我針0既係手掌骨位，都幾痛吓，痛到本來有多汗症0既我，出汗出到佢張床到顯晒。針灸完第二日，本來腫起的手掌骨位真係消左腫，但中指中節好似反而腫左同埋更加伸唔直。其間繼續睇返樓下的醫生，食左啲疑似勁啲0既消炎止痛藥，但都未好。叫個醫生寫信俾我做物理治療，但佢又唔太肯，於是我自己去睇左朋友介紹的一間物理治療，做完好似好左小小，但第二日又還原返咁，用左$800，仲要由於冇專介信就去睇，claim 唔到錢。

於是又去針灸針埋中指中節位，又痛到張床濕晒。一直以為應該係係因為玩得電話太多而導致的筋膜/鍵炎，但上網查吓有關徵狀，懷疑自己係類風濕性關節炎，呢個病都幾麻煩，於是我又再去睇另一個普通科醫生，詳細講述我呢段時間的醫歷及懷疑自己有機會患左類風濕性關節炎，呢個醫生好似好好咁好詳細講述類風濕性關節炎俾我聽，詳情亦與我在網上看到的料吻合，佢建議專介我去內科，但我都係想試吓佢啲消炎止痛藥，睇吓有冇用先，可惜食完都係冇乜用。於是我為方便，又去返樓下醫生，拎左張醫生紙去睇醫療咭包的一間內科，內科俾左另一隻消炎藥我，並專介我去驗血，我一直以為醫療咭唔會包驗血，所以我去到櫃位時都冇拎醫療咭出黎，個護士話驗血要收二千蚊，我就俾左張信用咭佢簽，簽完後，個護士唔知係咪收到內科的電話，知道我有醫療咭，於是又可以退返錢，用返醫療咭，下次真係乜都要試吓拎張醫療咭出黎先。

食左新新嗰隻消炎藥幾日，好似拎我好返好多，但又好唔晒，隔幾日再去內科，驗血報告顯示我冇事，醫生建議再食多次消炎藥試吓先，唔得的話，唯有專介我去骨科打類固醇針，但醫生話佢自己就唔會打呢啲針喇……

整段醫療其間，我極力減小用電話，其實我本來的電話使用時間每日都不多於3小時，比起好多人應該都唔算多， 自從手指有事後，更加將電話使用時間減至每日不多於2小時，另外亦盡量不再用右手而改用左手，但由於工作關係，都迫住用多左左手用電話。今次再食左內科的消炎藥後，右手好似好返8成，但不幸地左手中指出現左同樣問題，於是唯有再睇內科專介我去骨科，骨科醫生都係話唯有再試食消炎藥及留意吓自己做得多咩野動作才會出現呢個問題，以我所觀察都係因為用手提電話，醫生話再唔得就唯有打類固醇針，但類固醇針有副作用，我話俾佢知我已經食左個多月消炎藥，於是佢就俾左消炎止痛膏我，試左一晚，左手中指就更加僵硬痛及無法伸直，晚上差點連抱起我女兒都做不到，於是第二朝一早就落返樓下睇普通科醫生，諗住拎啲消炎止痛藥頂住先，醫生話唯有做手術，好過打類固醇針，因為打得第一次打類固醇針，你會以為好返晒，又會不停用隻手，過一年左右又會復發，又打第二次類固醇針，不斷循環下，啲筋遲早會斷，另外，我再同佢講呢段其間，我隻右手好似針灸完再食左內科的消炎藥而好返，佢話係因為我冇再點用右手，加上食消炎藥食到咁啱呢段時間好返，應該都唔關針灸事，我心諗呢樣就係佢之前所謂的『等時間過』，如此類推，咁即係我唔好再隻左手，繼續食消炎藥都有機會好返啦，喺呢個時候，由於我唔想打類固醇針，所以我諗住繼續食消炎藥試吓，人類都係傾向相信自己想相信0既野。

唔知係咪因為隔左晚冇食消炎藥，一食消炎藥即刻消腫消痛，好似好返好多咁，Keep住食左消炎藥幾日，今朝就算停左藥，右手都好似好返晒咁，左手就仲有啲事咁，但好似好左9成。

整個醫療過程睇左7個醫生，聽左唔同醫生的意見及自己上網查左好多資料，本來最唔相信樓下個醫生，但最後反而最想相信樓下個醫生。呢件事真係好需要記錄以警愓我日後再遇到類似的問題時，要好似今次咁處理。幸好我冇去到打類固醇針及做手術，應該冇乜需要。

Short Put 準備金

今個月頭恒指升返好多時，Short Put 左30000股中銀@$3.5及4000股廣汽@$9，當時冇特別留意要預備幾多錢接貨，因為諗住冇乜可能到價，食硬佢期權金。但到月尾，由於債息倒掛，股市急回調，先再諗起啲Short Put，若到價的話，即係我有機會要用14萬接貨，發現戶口唔夠錢，原來都幾危險，短期內，要問老婆或老母借14萬應該唔難，另一方法就係搬倉到下個月，呢樣野我都冇做過，有機會要學吓，同埋冇現金都係唔好做咁多Short Put 。

書 - 就業的終結

由出黎做野開始已經成日想做生意或買股票收息生活，年復一年地打工，做左接近十年野，但都冇達到呢個目標，就業的終結呢本書就係講呢個世代越黎越多高學歷畢業生，但由於畢業生增長速度比職位空缺增長速度快 (由於科技進步，職位空缺甚至不斷減小)，而失業率只會越黎越高。另外，以前年代創業成本好高，但亦都係於科技進步，創業成本及風險比起就業反而越黎越低，呢本書令我更加越黎越想創業，回想起黎，由一開始我想創業，或者都係因為感覺到就業反而越黎越唔安全，公司話炒你就炒你。

沽出廣汽三月@$9認沽

沽出廣汽三月@$9認沽，收$0.23權金。

其實2238一開始係$9 short put 接左貨，中間來來回回做short call賣左，又做short put入返，之後又 short call $8賣左，中間收過的期權金共收到$2.51，減返$1差價，暫時總算有賺，呢啲投資野，未到最後都唔知賺定蝕1，不過2238比起939嗰啲，權金比較入水位。

另外2800做左3月short call，今個月爭小小就升穿，唔知駛唔駛賣貨，其實唔係好想賣，但若到時升穿焗住賣又會形成賺小左0既狀況。

書 - 生命的心流

睇完呢本書0既介紹，諗住會好有心機睇，點知睇吓睇吓就開始飛黎睇，當人類達到心流狀態，時間就會過得好快，亦都會感覺好有意義，而要達到心流狀態，就要係我地面對的事情有一定難度，而我地能力亦都要發揮到最高峰，兩著配合。
其餘大致上都係一啲統計，講返人生點分配時間喺工作、維持類活動(飲食、沖涼)及優閒類活動(運動、看電視)，而工作原來係人類最多時候達到心流0既時候，另外就係專注及細心處理每一樣工作，改變自己的心態或許就可以喺本來無趣的工作或其餘事情上達到心流狀態，但真係知易行難。

當你沈浸在工作中，你便失去時間感，完全出神，全副精神都貫注在所做的事情上......當你將某件事情做得十分出色時，你會有一種難以言喻的感覺。

美國前桂冠詩人斯特蘭德(Mark Strand)