《The Top Five Regrets of the Dying》(和自己說好，生命裡只留下不後悔的選擇：一位安寧看護與臨終者的遺憾清單) 係由Bronnie Ware所寫，根據佢同臨終病人的交流，總結出臨終者最常見嘅五大遺憾。以下係書中提到嘅五大遺憾：
1. 我希望我有勇氣活出真我嘅人生，而唔係活喺別人嘅期望中
好多人回顧人生時，後悔冇跟隨自己嘅心願，過分在乎別人嘅期望或社會嘅壓力。
2. 我希望我冇咁努力工作
特別係男性，後悔將太多時間花喺工作上，而忽略家庭同個人生活嘅平衡。
3. 我希望我有勇氣表達自己嘅感受
好多人後悔因為怕衝突或尷尬，而壓抑自己嘅情感，導致關係疏遠或內心遺憾。
4. 我希望我同朋友保持聯繫
臨終者常後悔冇花時間維繫同朋友嘅關係，隨住時間流逝，失去重要嘅人際聯繫。
5. 我希望我畀自己活得更開心
好多人意識到自己有能力選擇快樂，但因為慣性或恐懼，冇追求真正嘅滿足同喜悅。
呢五個遺憾提醒我哋要珍惜當下，活出真我，並重視人際關係同內心嘅快樂。
我睇呢本書嘅時候覺得有啲悶，或者係因為已經對呢啲野睇化左，反而仲會覺得，只要你冇做好理財及達唔到財務自由，咁都係難免會有以上的regrets，就好似作者自己喺書裏面其實都經常遇到錢的問題，作者雖然講到做安寧看護可以喺臨終者身上學習、很熱愛呢份工作，但其實作者都係經常面對住無工作、無收入時的困境，睇住自己身邊嘅朋友都係同樣情況，一個明明有病，但係為左生存、保住份工，都係要不停OT，另一個因為要生存及供樓，都係要每個月追數，而我亦都係因為每月要應付家庭開支而不停賣時間，當你為左保住份工時，你又點會夠膽不乎別人嘅期望或社會嘅壓力、點會夠膽表達自己嘅感受、點會夠膽唔努力工作，又點會有時間陪伴家人、同朋友保持聯繫，咁又點會開心呢!? 大家都係身不由己...
