橙天嘉禾

橙天嘉禾是跟某位Blogger 買的，大約$0.87 買了20000股，收了0.253股息，升到$0.75 賣了，賺了20%左右，之後見佢跌返落黎，於是$0.55左右又入返，但今日因為大股東關連交易，導致跌了30%左右，總供輸了接近50%，幸好呢啲股做好注碼控制，呢啲股都真係小掂為妙，大股東的做法實在令人髮指，但係我都係冇止蝕，次次都係過唔到自己心理嗰關，若果最後蝕晒，唯有當交學費啦，又再重申提醒自己一次，都係買盈富基金最好。

廣汽short covered call

之前沽出廣汽六月$9認沽，最後接左貨，八月頭做左廣汽$8 short covered call，當時股價$7唔夠，直到今日爆升到$8.48，呢家即係$9接貨，$8出貨，雖然未到最後，未知結果，但上左寶貴的一課。

了凡四訓

也是一本建議自己向內心尋找及不斷自我檢討再作出改進的書。

遇見未知的自己

這是一本通過主角的故事教導自己向自己內心尋找的書，值得細看再翻看，人生到底是甚麼，我們追求的是甚麼。看完需完沒有即刻令我的人生改變，但思想上有了一點小改變。

一生不為錢所困的生存之道

作者提出每個人存在都應該有存在薪，即係只要你存在就會自動有錢流入你度，而當你有錢後，不應該只儲不用，這就好像水一樣，流到你的湖，但你儲著不讓它流出去，最後只會變成一潭死水，錢亦都好像空氣一樣，只要你呼吸就會有。這種思想雖然好難令人相信，但係都係好想去相信，就唔駛再為錢煩惱，巧合地看完這書沒有多久，就有稅退了給我。不過如果呢個理論係真的話，那些不停用信用咭買的購物狂就不會負責，亦不會有乞丐吧。

接貨後

自從接貨後，廣汽共跌了20%，曹Sir 話跌多過15%就要止蝕，但我都係守唔到紀錄，建行跌了8%，渣打都係差不多，七月都做了short covered call 去做recover，當然只能夠補償到1%左右，這是好好的學習及考驗，我諗我都唔會特別止蝕，邊做recover，邊等股價回升，但若做short covered call 時俾人call 貨又點呢? 好多我叫價叫到貼近接貨價，但到時仲做唔做short put 呢，八月係業績期，要好好學習點玩好。

接貨

六月接左好多貨，想做返short covered call 但係冇著數，呢家坐貨不都做唔到，為有學下坐艇啦。六月最後一日終於都升返，不過都係於事無補，呢家恒指市盈率跌返落12.21，週息率3.73，其實尚算吸引，但由於小弟沒有太多彈藥，以現時資產配置黎講，約50%現金，50%股票，暫時都不考慮入貨，另考慮到貿易戰問題，都係唔敢入，買股票唔可以賭單邊或預測將來，未諗贏先諗輸，就算股災，恒指市盈率應該最底都只會去到7倍，即係跌57%，若我手上股票跌多57%，50%資金撈底都唔錯。

另外，五窮六絕七翻身，今個月有機會要學習吓Long Call，買入認購期權，以小博大。

沽出認購期權 939 June @7.50 收 $0.06

真係五窮六絕，六月沽出認購期權睇黎都要接貨，唔知會唔會七翻新，今次真係一次好好0既學習機會，未諗贏先諗輸，若果貿易戰繼續，除左要不停做返short covered call之外，都要開始學吓Long Put 先得喇。

第一日見佢跌市，考慮左陣就手多多做多左次short put，沽出認購期權 939 June @7.50 收 $0.06，建行現價$7.38，下個月派息除淨當$0.35左右(人民幣 0.2910)，睇極Long Put 都好似唔係好識咁，雖然之前屎忽撞棍贏左一倍，但今次都係唔敢亂黎，都係記錄一下學吓野算，若買入7月$7認沽，期權金$0.136。

大慶乳業

大慶乳業及瑞金礦業都係我都七年前買的股票，停牌停到呢家，大慶乳業就快復牌，我本來用來3.26買的5000股，現在俾佢夾硬一開二變做2500股，不但止，佢仲要5供1，$0.1025供一股，就算我供埋，手上都只係得3000股，佢打算2018年7月6日開始買賣，但係每手2萬股，即係我手上的碎股都凍過水了，這個教訓用了$16,300.00。看來瑞金都係凍過水了...瑞金共蝕$26,000.00。

六月頭恒指都升，另我遲遲都冇買入期權，直到前日見有點跌勢，買入了一點，每次買賣都是一個學習。

期權金全袋

上月買的廣汽及建行期權全部冇入到貨，期權金全袋。廣汽最高升到$14.1，之後亦都跌到$13.8，差小小就會入左貨，不過就算係都唔驚，可以選擇即賣或繼續坐貨六月收息，再做short covered call。

手上只剩下匯賢及橙天，香港建設由我賣出後升左接近30%，我對於買正股及坐貨等升0既能力，仲要好好學習及改善。

樂活五線譜

以前覺得冇需要學技術分析，但睇完曹仁超之後覺得都要學下，近排學左樂活五線譜，之前Short put 左2238@$13，而早前2238因為第一季銷量轉差而一日跌了5%至$13.46，呢家記錄喺度，一個月後回顧一下。

樂活五線譜顯示今日係買入0既好時機

樂活通道亦都沒有跌穿

當然樂活五線譜亦只作參考作用

另外，恒指又再跌穿3萬點，市盈率跌穿13，週息率上返3.7，成交額唔夠一千憶，其實恒指現價尚算吸引，成交亦未算瘋狂，2008年股災，跌幅達66.59%，若十年或十一年左右一次股災，咁2018或2019年應為下一次股災，但以現況來說，絕對未到，就算有任何大跌或調整均應不過35%，當然我現時策略都係盡量保留現金做short put 算。

手上股票如下，都係盡快賣。

股號	買入價	現價	買入股數	買入總價	現值	總股息	盈虧	盈虧%
127	13.76	11.76	1000	13760	11760	0	-2000	-14.53%
272	2.3	2.1	10000	23000	21000	0	-2000	-8.70%
1132	0.58	0.5	20000	11600	10000	0	-1600	-13.79%
1270	3.58	3.25	5000	17900	16250	555	-1095	-6.12%
1285	2.3	1.93	10000	23000	19300	1470	-2230	-9.70%
2800	28.45	30.1	500	14225	15050	0	825	5.80%
87001	3.09	3.12	7000	21630	21840	2665.7	2875.7	13.29%

另外，渣打又跌穿$80，或者可考慮short put。