僧人心態：從道場到職場，訓練你的心，過著平靜而有目標的每一天

呢本書本來覺得好悶，因為有一章講點放下仇恨，但由於我本來冇乜仇恨感，所以冇乜心機睇，但睇到接近一半就開始講『法』，如何覺察自己的日常，去搵出自己的長處，再實現自己的『法』，以達到內在的喜悅。『法』呢樣野一直都係我尋找0既野，

1. 觀察自己除工作及睡眠以外，其餘時間會用黎做乜，從而判斷自己的價值觀及喜好，看看自己是否知行合一。

2. 遠離負面情緒及批判等，沒有人是完美，將所有事情及說話都轉向正面

3. 抽離不等於冷漠，就好似去旅行租車咁，你可以當吓享受嗰架車，但你知道架車不屬於你，你反而更珍惜可以駕架車的時間。

4. 所有日常生活都有靈性，問題只係你有冇覺知到及活出其中的意圖

5. 當你希望怎樣的時，不要抱著乜都唔做便會達到的心態，而係要諗吓如何行動去達成你的希望

6. 熱情+專長+有用=『法』

7. 大腦本能，例如懶惰、怕改變都會阻礙你實淺『法』

8. 進行任何活動後，問自己以下問題:

a. 我喜歡這個活動的那個部份?

b. 我擅長嗎?

c. 我會想閱讀、了解和花很多時間做這件事嗎?

d. 我有求進步的動力嗎?

e. 是甚麽讓我感覺舒服或不舒服?

f. 我的舒服是正面的(能讓我成長的挑戰)抑或是負面的?

探索自己種姓時，關鍵問題是:我享受這個過程嗎? 別人喜歡這個結果嗎?

9. 地點有能量，喺指定地點做指定0既事，例如飯廳淨係食飯；時間有記憶，喺指定時間做指定0既事，例如晚飯時間淨係食晚飯。

10. 記住兩件事，記住別人對自己做過的好事，以及記住自己對別人做過的壞事；

忘記兩件事，忘記別人對自己做過的壞事，以及忘記自己對別人做過的好事。

11. 現時你有的野，以前屬於別人，將來亦會屬於別人。

12. 「對萬物心懷感恩，包括平凡的事物在內，尤其是平凡的事物。」-佩瑪．丘卓

蔡康永的說話之道

你說甚麽話及用甚麽態度說話，俾到人的感覺便會在別人心中主觀覺得你是甚麽人。

1. 將A朋友對你說有關讚美B朋友的說話，說給B朋友聽，B朋友聽後必定開心，A及B之間的感觀都必然向好。

2. 說話係每日都可以好容易、方便去玩味同練習0既野，當自己對人用某種態度講某句說話時，之後都可以反思吓自己點解用呢種態度講呢句說話，從而了解自己多啲。

3. 就算冇心機聽人講野，重複對方說話的重點或部份關鍵字，俾人感覺就會係有心聽。

4. 搵人幫手嘅時候，俾人感覺係夥伴一齊去做嘢，例如想搵人一齊去見客，就話想搵佢一齊去見吓老顧客，例如想人介紹朋友，就話自己都會介紹邊個邊個俾人識，例如開店想附近店參與喺你印的傳單上，可以話幫人宣傳及印埋，仲可放人店面，幫你宣傳。

5. 唔好同對方講你懂佢嘅痛苦，純粹聽佢講，再同佢一齊呻吓，若果佢係想引蛇出洞，例如佢覺得自己老，你就要話唔係，唔覺佢老。

2019 - 2024 投資成績記錄

2024年 +4.3% 

2023年 +34% (VOO +26.32%)

2022年 -38%  (VOO -18.19%)

2021年 +28% (VOO +28.78%)

2020年 +27% (VOO +18.29%)

2019年 +8% (VOO +31.35%)

2024年頭買入TLT ，期間不斷收息及期權金，出出入入，最終唔計息及期權金，平均價$98，但10月中Ray Dalio一話美長債係高風險，TLT 股價就連跌幾日，跌到落$93，我終於因為驚而$93賣晒，第二日大市跌，TLT 最高升到上$95，我呢啲失敗操作真係好值反思。

1. 呢家又係純粹事後孔明睇做好似做錯，但若TLT 股價續跌，我就係做啱，呢家我0既操作係免左股價續跌風險

2. 或可考慮分段出入

3. 其實好清楚自己買左咩，TLT 成份係咩，但唔夠清楚長短息升跌對TLT 影響

4. 越黎越確認自己想買返指數ETF，追求每年10%回報就已經好滿足，但唔容易

5. 呢家個事升到咁，都唔知點入返個市場好，呢家入市，值博率唔高，一入又驚坐艇，唔入又驚通脹及錯過回報

6. 最好分段入

金錢心理學 : 打破你對金錢的迷思,學會聰明花費

有部份人偏好將自己啲錢分開不同的心理帳戶，例如旅遊、餐飲、娛樂、保險、投資等，但最終佢地都會因為當天的心情、喜好而搬籠門，最終沒有跟足自己內心定好的規則而隨意調動不同心理帳戶內的錢。

無論係時間抑或金錢都有機會成本，但有部份人花錢時，例如買$10蘋果，就不會太花腦力去思考該$10的機會成本仲可以用黎做其他啲乜野。

花錢時會有花錢之痛，而不同的付款模式會影響左花錢之痛出現0既時間，例如預付模式、即時付款模式或後付模式，而花錢之痛亦會影響該花錢體驗之感受，以預付模式的度蜜月為例，是先付款時感受到花錢之痛，但不會即時有產品體驗，而到體驗後無需付款，那麽便不會影響到該行程體驗，但若不是預付模式，去到度蜜月，食一餐付一次錢，每樣野都每次付錢，完結後才付酒店錢，看到帳單時便即時會有花錢之痛，這便會影響到該度蜜月的感覺及回憶。

人類天性都追求公平性，若下雨時，雨傘貴一倍便會覺得唔公平而唔買，但其實係由供求影響價格，另外亦會在意服務力費力程度，例如開鎖匠只耐一分鐘開個鎖，人類便覺得貴，但若開鎖匠費力地用一小時開鎖，人類便會覺得較化算，但其實係由效益來計算價格，畢加索曾經幫一個女士用幾分鐘畫了一幅畫，該女士問收費時，畢加索說2萬美金，該女士說畢加索只用了幾分鐘畫這幅畫，畢加索說我用了幾分鐘加60年才畫到這幅畫。

考慮服務/物品價錢是否值得時，可試吓唔用價錢考慮，而用自己的工時去考慮。

可試與未來的自己連結，例如未來的自己會如何感謝今日的自己儲蓄。

禪與摩托車維修的藝術

越睇越唔知佢講乜，越冇心機睇同唔想睇，但係唔知點解又硬係想睇埋佢，或者想知道佢之後講乜同埋點完結，總量將自己記得0既記錄一下:

1. 作者/主角無法定義『質素』，但例如由一堆人去睇三段文章 / 三本著作，佢地都未必定義到何謂『質素』，但若要佢地評分，又可以評分得到邊本著作最好睇，而通常大部人的評分次序都差不多，但其實又好主觀。

2. 行山應著重過程/山腰，而不是終點/山頂，但若沒有山頂的話，又如何判段何謂山腰。

我們想「感路」而非「趕路」

2024年10月21日 Bitcoin 出現明顯杯型帶柄（Cup and Handle）

 

2024年10月8日 實測操作之現在應否入市

2024年9月恒指一個月由17000升至23000，升幅有35%，今日恒指一開市跌左過千點，曾經跌到21000，本來我一直都冇入市，但襯有小小時間，諗住參與一下，學習一下，喺恒指跌過千點時用$5.75買入1000股的7226，低位曾經去到$4.87，即係比我買入價曾經跌左15% (即$880)，其間不停都睇住個股價上落，好浪費時間，就當我好彩買入後即升10-20%，最多都只係賺1千左右，呢啲高風險短炒，唔會大手入，賺又賺唔多，真係唔太值得花時間心機去玩。

另外，我再用$400 Long Put 盈富基金，再用$300 Long Call盈富基金，期權有時間值，時間過得越耐，只會貶值，當我Put Call 入得齊，總供都要$700，即係其中一邊升一倍，我先可以賺得返另外嗰一邊0既本金，實際即係冇賺，若果冇爆邊，即係兩邊都要輸晒，又係輸，所以都唔太值得花時間心機去玩，最後即日賣晒期權，其實要賣得出都唔容易，好好彩，總共賺左$100，扣埋手續費都唔知有冇賺。

而7226跌到落$4.9收市，賣唔出，暫時輸左$850。

最後10月9日$4.8止蝕賣出收場。

短炒回顧反思

用Interactive Brokers玩港股:

$5.58 買入10,000股建行939，總價$55,800，傭金/稅-$90.64，

同日

$5.63 賣出10,000股建行939，總價$56,300，傭金/稅-$91.94，

每股賺$0.05，10,000股即賺$500，減傭金/稅共-$182.58，淨賺$317.42，

原賺 $0.05 / $5.58 x 100% = 0.9%

淨賺 $317.42 / $55,800 x 100% = 0.6%

傭金/稅佔比 $182.58 / $500 x 100% = 36.5%

傭金/稅佔本金比 $182.58 / $55,800 x 100% = 0.3%

整體黎講傭金/稅佔比太重，短炒真係好難玩。

轉用Tiger玩港股:

$4.33 買入10,000股工行1398，總價$43,300，傭金/稅-$56.68，

隔日

$4.37 賣出10,000股工行1398，總價$43,700，傭金/稅-$51.7，

每股賺$0.04，10,000股即賺$400，減傭金/稅共-$108.38，淨賺$291.63，

原賺 $0.04 / $4.33 x 100% = 0.9%

淨賺 $291.63 / $43,700 x 100% = 0.67%

傭金/稅佔淨賺比 $108.38 / $400 x 100% = 27%

傭金/稅佔本金比 $108.38 / $43,300 x 100% = 0.25%

用Tiger短炒港股傭金/稅佔比較IB低，但都佔我原本金27%，咁都係好難搞。

轉用Interactive Brokers玩日股:

JPY 2380 買入200股丸紅8002，總價JPY476,000，傭金/稅-JPY 255，

由於短炒賺到本金的1%已經好好，若傭金/稅佔本金0.2 - 0.3%那麽便食了淨賺了的20-30%。

丸紅短炒變坐艇，其實真係沒有甚麼策略可以短炒成功，三隻都係襯當日低時再叫低一點來入貨，入貨後即時叫高4-5格賣出，建行是即日賣出，工行是當日太忙，接貨後都沒有時間即日落盤賣出，丸紅係入貨後繼續連跌幾日，曾經跌到落JPY 2180，即跌了8%左右，事後孔明地若於JPY 2180入多200股，現時升到JPY 2300賣出的話，整體便會賺到2%，但由於是個股，所以不敢溝，若是ETF反而會較有信心不斷溝。

另外，用IB買日股主要都是用孖展，現時JPY 0 ≤ 11,000,000 年息是1.589%，丸紅股息率是3.9%，黎緊2024年9月27日除息，股息JPY 45。

2024年9月26日

JPY 2407 賣出200股丸紅8002，總價JPY481,400，傭金/稅-JPY 258，

傭金/稅佔本金比 JPY 513 / JPY 476,000 x 100% = 0.1%

最後，丸紅短炒變坐艇，再由長渣變短炒咁股息都未收到就出左貨，

三隻股票短炒，100%贏，不過冇任何致勝策略，純粹靠運氣，都係低買高賣，

短炒黎講，隻股票一定要有波幅先好炒，但係個股又唔敢溝，所以下次試吓ETF，但ETF 通常又波幅小，而日股佣金比港股低，由於崇日關係，所以都係偏向炒日股多啲，而炒股心態最重要係贏輸都冇感覺，所以都係要佔本金好小portion.

2024年8月28日 父之死

其實唔知佢幾號死，只係今天母親WhatsApp通知:『剛才接到八鄉警處電話通知他死了』，收到訊息後沒有甚麽感覺，因為我0既記憶裏面都冇乜佢，反而令我想反思吓。

本來佢0既死，我都唔太理，但有日我媽問我，話我姑丈問我去唔去佢的喪禮，我問日子、時間，我媽當然不知道，廢事我媽夾在中間，所以我叫我媽俾我電話姑丈，叫佢直搵同我夾。

溝通後知道我姑丈都係乜都未搞，只係問定我先，再經過一輸溝通，而我又知道佢地都唔係有錢，而我又有啲殯儀服務折扣，所以我就將呢件事攬左上身，最後搞左差不多一萬。

對於老豆0既死冇乜體會，未見佢條屍前，只係有啲感慨佢0既人生有點可憐，但其實我對於佢0既人生都不太了解，咁又由咩可以判斷到呢? 到見到佢條屍時就只係覺得人生就只是本來活生生一段時間，到死時大家都只是一具不活的肉體。

對於殯儀安排反而有點感覺，首先，我都係覺得呢啲凡文俗節好麻煩同埋浪費錢，本來

『遺體無人認領，醫院會將遺體轉交食物環境衞生署（食環署），署方會按既定程序將遺體土葬或火葬。』

所以我係會採取以上選擇，但由於心軟姑姐佢地不太有錢，所以我就將呢件事攬左上身，當時姑丈話會俾返帛金，本來如果由佢地處理的話，差不多要用接近兩萬，但佢最後都只係俾左1千，而表姐爸就俾左5千，『有錢0既人真係更容易保持善良』。

見到自己打左以上段文字，就知道己係幾咁在意錢，可以的話，真的不想自己受人這5千，亦不想在意別人只給1千，其實1千已經好多了，只係對比佢本來要付出的兩萬，而我本來不用付出的$0，我心底就有點介意。

若我是有錢人，我便不會有以上思想，這便會顯得我善良嗎? 抑或是不會突顯我的不善良?

但願自己老左都有能力俾呢1千。

生活的藝術 : 52個打造美好人生的思考工具

 1. 諗輸面先諗贏面，例如打業餘網球比賽時，唔好諗住點贏，反而諗點樣唔好犯錯，只要唔犯錯輸波，對方便會輸波。

2. 聚焦錯覺，你現在想像並以為好重要的事情，實際上沒有你想像中的那麽重要。

3. 不要將使命或夢想看得太重，有個作者一直認為自己的使命是寫一本曠世巨作，他寫完後找了很多家出版社幫他出版，但都沒有一家願意，最後他自殺死了，後來他的母親幫他的書再找出版社，終於出版了，亦成了名著。

有時將使命或夢想看得太重，反而有害，因此應該將重心放在輸入、工作，而不應將重心放在輸出、成果，最後帶來的結果或許會更好。

就正如我地越想搵錢，好像反而越難搵到錢，但是若專注於輸入、工作、為社會帶來效益，錢反而會跟著來。

4. 別追求生命大意義，改為追求生活小意義，因為別追求生命大意義就好像問生命的意義是甚麼?我們為甚麽存在等，實際沒有答案亦沒有意義，人們只是天性要不停繁殖。

反而追求小意義，人生有目標，生活會較幸福，目標可以遠大。

5. 快樂(享樂)與幸福(意義) - 食朱古力、性愛、環遊世界、去迪士尼、去沙灘玩；幫婆婆過馬路、做義工、淨灘、救人，若按快樂度評分的話，大部份人評前一類都會較高分，而後一類就會較低分；若安意義評分的話，大部份人評後一類都會較高分，而前一類就會較低分。

無論係快樂(享樂)或幸福(意義)感，我們都需要，根據邊際效應，同樣0既野做得多，感覺都會麻目，因此，當我們不要只追求一樣，做義工後，不妨入杯啤酒快樂一下。

6. 閱讀貴精不貴多，30歲前可以乜書都睇，30歲後每年最好只揀十本或以下重複睇，真係講中我呢家成日睇書，但成日都唔記得同埋冇執行0既問題。

7. 心理減法 - 有時可以幻想自己失去手腳、眼睛時的痛苦，就會明白你現時擁有的已經很幸福。人類天性好易習慣，無論係已經擁有的、突然獲獎的、抑或失去的，即使失去手或腳都很快會慣，或許這都是天擇0既原因。

8. 思考極限值 - 我地0既思考可以好遠好大，但就好似一枝手電筒，總價有個極限照明距離，若我地要再照遠啲，我地必需踏步(行動)向前，才可以照得更遠更前，很多事我們是必需思考先，但思考後必需配合行動才可照得更遠，行得更遠。

9. 秘書問題，為何我們人生的樣本數太小? 若你需要請一個秘書，你最多可面試一百人，但每次面試後，你只能立刻決定要不要聘請這個人，那麽你會點做? 在數學來說，你最後面試37人後，在心裏有個底，知道下批面試的人內，那一個比你之前面試過的37人平均能力值高，你便要立刻決定聘請這個人，這用100除數學常數e : 2.718 得出來的公式。奈何無論係另一半抑或係事業，要做到37個以上的樣本都係累人的事，但世界很大，樣本很多，因此，可以的話，人生若想幸福便應將你的樣本數擴大，這樣你選擇時才會做出較正確的決定。

 

你的夢想可能有點風險

呢本係家長及青年都值得花時間一睇0既書，作者以親身經歷講述自己由一個成日打機0既廢青，慢慢變成一個有一技之長甚至創業的人。

1. 向自己的偶像學習

2. 所有經歷都有用，唔會白廢

3. 做到一個有能力照顧自己0既人，可以令屋企人放心，你才有話語權去選擇

4. 童年沒有被治愈便用一生治愈童年