失業

於上一間公司的最後工作天是2017年7月4日，本來已同工作上認識的一位人兄說好了要過他的公司做，但他安排我面試後就沒有了回音，由於我自己都想試吓自己出去搵吓、試吓自己實力，因此直到今日我都冇致電給那位人兄，失業後天天都見最小一份工，但直到今天都沒有任何回音，計吓計吓已經失業了十多天，其實一間公司聘請員工的程需要一至兩星期都很正常，因此由失業到再就業需要一至兩個月時間都很正常，以前覺得失業冇乜特別，只要你唔在意工種及人工就總會搵到工做，但呢家人到中年，失業0既感覺唔太好受，特別係擔心老婆擔心自己，以前每一份工唔係自己裸辭就係俾人炒，每份舊工與新工之間都有兩個月至五個月0既失業期，但年紀大左就開始怕就業更加困難，因此如果唔係嗰位人兄叫我過他的公司做，我都唔會辭職，明天唯有打去嗰位人兄度睇吓到底係咪真係可以過佢度做啦。

每次失業都覺得賽翁失馬焉知非福，比起劉曉波0既死，失業又算得係咩呢?今次失業期間最大得著係另令我有時間上好多網，無意中發現好多已達到財務自由0既Blogger 令我再次認識價值投資，我唔知自己最後做唔做到財務自由，但無論如何，我都想試多次去實踐呢個目標，呢家每晚諗去呢個目標都令我興奮都訓唔著，好期待十年後0既今日。

如果我到時達到每個月都有1萬被動收入的話，我就唔駛再怕失業喇。

今日將30萬資產裏面的所有外匯(人民幣除外)全部轉左做港幣，以備購入收息股:

JPY 150,000.00 (匯率 0.068924)
AUD 550.33 (匯率 6.060282)
EUR 975.01 (匯率 8.891323)
CHF 100.00 (匯率 8.056686)