聯合集團 00373.HK

不知不覺，恒指已經上到兩萬八，如無意外，恒指總會有一日高過2007年歷史最高點數：31,958.41點，唔知可唔可以用通貨膨脹0既百份比黎預測到下一次高位呢?以小弟咁低0既數學能力，真係唔識計，到最高點時，睇返呢段文，睇吓到時識唔識計。

近排留意到一隻股票(聯合集團)覺得幾有趣，成交量極低，現價$49.25，每手二千股，即係要差不多10萬先買到一手，每股盈利$18.34，年年升咁濟，其市盈率2.65倍，2017年半年盈利已經有$10.48，若以現市價計，簡單黎講2年幾就會本，派息比率只係10%-20%左右，每年平均息率已經有3%，每股資產淨值$132.99，又係年年升，公司呢兩年不斷回購，唔知係咪私有化徵兆，安全邊際咁高，可以話超底買，本來諗住就算升市都買一手，但但銀碼太大，唯有放棄，只能記錄作學習用途。

呢輪升市冇另我手上股票跟住升，或者真係應該買返藍籌股、盈富基金同埋煤氣、中電嗰啲股票會好啲又穩陣啲。

另外，一星期前做左個小結，今日再睇如下:

股號	買入價	現價	買入股數	買入總價	現值	總股息	盈虧	盈虧%
410	4.2	4.49	3000	12600	13470	2352	3222	25.57%
635	1.15	1.09	4000	4600	4360	120	-120	-2.61%
778	9.72	9.37	1000	9720	9370	255.3	-94.7	-0.97%
1285	2.3	1.9	10000	23000	19000	1470	-2530	-11.00%
1426	3.2	3.5	8000	25600	28000	760	3160	12.34%
87001	3.09	3.07	7000	21630	21490	963.9	823.9	3.81%
			Total	97150	95690	5921.2	4461.2	4.59%

由之前0既總回報2.12%升到4.59%，若只買春泉一隻，已夠我達到一年10%回報的目標，嘉士利真係拖累左整個組合好多，呢啲記錄真係好有用。