一通

由於現有銀行每次收股息最小都要收$30手續費以及買期權又麻煩，手續費又貴，所以申請了一通的戶口，打算開戶後，買入小量較大型穩陣的股票如盈富基金、太古及建行等，之後買入相等數量股數的Short Covered Call（沽出備兌認購期權）合約。

另外，上回講到春泉減息，以現價$3.48計，年息得返五厘幾，但係佢股價反而越黎越升，加上已經除淨，小弟將會趁呢個機會試吓賣晒佢。

近來返工真係好忙，仲要成日OT，雖然比起好多人，小弟已經唔算辛苦，但係都係好想留多啲時間喺屋企，啲同事好多都返十幾個鐘，搞到我準時放工都好似係一件錯事咁，唔通香港人真係俾人勞役到唔OT唔舒服，見到佢地啲身體都唔係咁好，根本就唔夠訓，免疫力抵抗力越黎越差，真係覺得佢地咁樣係燃燒緊生命，定係只係得我唔熱愛自己份工，佢地都係為興趣呢!?過到試用期的話，做完呢個Project 都要考慮吓睇吓又冇機會轉返舊，希望可以舒舒服服逗份糧儲資產收息，留多啲時間陪前世情人好過。