買入皓天財經集團 (1260)

以$1.89買入6000股皓天財經，主要原因係無論股息或盈利(每股盈利有$2.3)都年年上升，佢係該行業香港龍頭，開始向大陸發展，係大市仲係刺熱0既情況下，應該只會越向上行，爆煲前都可以繼續持有。

另外，呢個星期一直想試吓買渣打Short Covered Call（沽出備兌認購期權），但係一直都做唔到，或唔識做，幸好冇因為亂按而輸錢，其實應該再睇多啲書先至買，但又好想小小地快啲試吓，近排又睇緊窮查理的通常識，搞到冇時間睇期權書，越睇得多書發覺越有好多書要睇。正如Steve Jobs 所講:「Stay Hungry, Stay Foolish.」

越睇得多書同Blog之後，越會搵到屬於及適合自己0既投資方向，之前一直覺得有機會爆煲，但一定會喺升穿升穿2007年31,958的歷史高位之後，唔知點解，好想簡單以通脹計算，並記錄喺度，假設每年3%通脹，2017年的話，應該去到42,948點。現時恒指市盈率15.4，週息率有3.08，其實都唔錯，暫定退場時間係市盈率去到18-20之間以及去到42,948點之前。

現投資方向係分散投資，繼續買貨收息，另外，一直覺得應該買藍籌股及穩陣公司如煤氣等，但我發覺自己成日都有啲賭性咁，想買入一啲細價高息增值股，其實只睇今年的投資記錄(其實得半年左右)，如果只買恒生，回報都比我自己呢家咁樣亂買好，但都好想繼續識吓自己，到爆煲時就知自己喺龍喺蛇。

另外，賣出了春泉，記錄如下:

股號	買入價	賣出價	買入股數	買入總價	賣出總值	總股息	盈虧	盈虧%
1426	3.2	3.5	8000	25600	28000	1560	3960	15.47%

若果我只年頭將所有錢只買入春泉，回報率就足以達標，當然亦都冇辦法講返轉頭，春泉亦都變左一隻息率唔算高，唔值得長期持有0既股票。