印傭返國

由我個女一出世，湊我個女湊到呢家，大約湊左有九個月嘅印傭Tini唔再續約，要返印尼結婚生仔喇，其實對佢黎講到係一件好事黎嘅，唔通成世人都冇人湊仔做家務，冇晒自己嘅人生咩！？我覺得啲印、菲傭可以黎香港做幾年野，體驗吓，又可以一次過賺多啲錢，好似working holiday 咁，其實都唔錯，但原來有好多印傭都會喺印尼生完仔後，又過返黎香港做野，一諗起佢地啲仔女得幾歲，但為左搵錢就焗住同仔女分離，其實都幾慘。

暫時未見到個女因為佢嘅離開而唔開心，但唔知過多幾日，佢會唔會發現呢！？

唔知Tini 生完仔後，又會唔會再去其他個家做家傭呢！？希望佢唔會咁慘啦，其實我地都只係想簡簡單單同屋企人一齊食飯過活啫，點解好似都咁難咁嘅。