夢 - 升降機

呢個夢已經係幾日前，一直都未有機會寫低，個夢一開始係同靚仔一齊踢緊波，準備進攻對方龍門，而進攻對方龍門就好似打大佬咁，而大佬係田蕊妮，最後打贏左佢，但又覺得佢好慘，之後送佢返屋企，途中經過朗屏條天橋(呢次係第二次夢見朗屏條天橋)，再去到峰華邨升降機大堂，本來仲諗住送佢返佢屋企，但我一轉身按我部升降機按鈕時，佢已經自己入左佢單位部升降機，於是我就入返自己單位部升降機，本來係去一樓，我按左一樓按鈕但冇開門，之後就上到好高，途中我再按上一層的按鈕，但係都冇開門，最後上到好高，每次發親啲類似呢啲升降機夢，在夢裏都有點心寒。