2020年6月結

IB 顯示YTD 係-3%左右，日股繼續蝕25%左右，新加坡REIT蝕20%，蝕最多0既美債就係35%，之前諗，呢啲都係賬面蝕，等幾年計埋息就會返返黎，但近來入左啲blogger 的Whatsapp 群組，再睇左好多之前冇接觸過的Blog，見到人地買美股2020年頭半年已經賺緊25%-60%，計一計自己呢家失業，本金又得一百萬唔夠，想做到靠蝕息財自真係唯有靠槓桿，但係冇收入，再加上呢真係好驚跌市時頂唔住，所以都唔敢做咁大，驚有咩事冇錢補倉，年頭蝕左30%左右，最後慢慢靠Short Covered Call 追返，不過都係有運，反思呢本年，我買的日股同新加坡REIT都蝕得幾多，好彩控制注碼，但就浪費左機會成本，都係美股ETF 加期權較適合我。呢家計落，其實我槓桿一倍，每年7%回報就算係可以做到好勉強0既財自，雖然2019年時我算係做到8%回報，但當時未將全部資本投入，冇做槓桿加上算係牛市尾先做到，今年頭半年即刻輸突。展望下半年應該繼續做ETF加期權，再作檢討。