收入支出

支出有分必需或非必需，若想早日達到財務自由，應減小非必需支出，並將省下的錢購入資產以帶來被動收入。

支出包括衣食住行四大必要開支，小弟喺住方包埋水電煤每月必需$3700，喺今時今日0既香港，呢個價錢算喺偏低及幸運者，衣服方面其實可以做到一年都唔埋一件，交通方面每日返工來回車費$30，每月返足30日的話即$900，飲食方面當早餐$30，午餐及晚餐各$50，即總共$150一日，30日的話總共需要$4500，即每月總支出為$9,100，即每年需要$109200的被動收入才可達到財務自由。如以10%年息率計算，即必需要有一百萬的本金才可做到。

差不多失業左半個月，開始頂唔順，前兩日問左嗰位人兄幾時可以開工，但佢只回答我明天覆後就再冇回音，以後真係唔可以咁易相信人，不過其實就算留喺本來間公司，一樣隨時可以炒你，又或就算你轉工時，間公司話請你，甚至簽埋約，其實間公司到時都可以唔用你或喺你做左冇幾耐時炒你，所以工作真係唔可以俾到保障你，只有股息及財務自由才可以，雖然股票都會有風險，每一間公司都有倒閉的機會，但起馬買邊隻股票都掌握喺自己手上。