送股票給老婆作生日禮物

今日係老婆生日，以前總覺得買生日禮物又浪費又冇用，呢家決定每年都買股票俾佢做生日禮物，佢再用收到0既息黎買佢想買0既野，可以的話，我好想建議佢用收到的股息繼續滾存，但我知道佢應該唔會聽我講，所以我冇出聲，大家都只會相信結果，十至十五年左右，當我真係達到財務自由後，佢見到我這個Blog，到時應該會肯相信我掛。

黎緊大部份目標股票0既除淨日都喺9月份，所以要買就要喺除淨日之前買，但由於恒指喺呢一個星期日日都升，今日半日已經升至26,652，帶動目標股票隻隻都升，需然有部份目標股票息率依然吸引，但距離除淨日尚有個半月，作為一個價值投資者，所以決定暫不買入任何股票，等待適當時機才出手，但若9月前股價都沒有跌下來的話，我就沒有機會入市了。