老婆系列1 - 拜年

先旨聲明，寫得老婆系列，雖然係陳述事實，但難免會有所偏頗，而不夠中立，因為都係由"我"心裏所想再寫出來。

每年要去老婆阿媽屋企拜年都覺得好麻煩，今年年廿九就要去佢錦上路間屋食晚飯，點知年初一又要過佢喺我地隔黎棟樓間屋拜年，未餵到我個女食粥，又要再去老婆居於深水埗的親戚家拜年，本來我老婆係諗住咁就可以完結，點知老婆又再問佢阿媽，聽日仲駛唔駛過錦上路，佢阿媽又話最好早上去，搞到年初二又要再過老婆阿媽錦上路間屋再拜年，真係拜到嘔，老婆的兩個阿哥除左年廿九去左錦上路間屋食晚飯外，之後應該都冇再搞咁多呢啲野，但我竟然要搞咁多，根本就係因為我老婆乜都淨係識問阿媽，之後又跟佢指示，到我俾意見又唔聽，又唔跟我指示，點都好，下年年初一一定選擇返柴灣我阿媽度，年初三返元朗我阿婆度，得返年初二俾你。