書 - 不怕做決斷

自覺自己從來都係不怕做決斷0既人，但老婆絕對係一個怕做決斷0既人，連諗訓前去唔去疴尿都決定唔到咁，睇呢本書本來純粹諗住睇完教返佢點做決斷，開頭睇都覺得冇乜用，因為本書教0既方法同我平時做決斷前諗0既野差不多，書中舉例如買電腦，先要諗清”目標”電腦的工能及要求再從眾多電腦中揀三個作"利弊比較"，進行利弊比較時一定要用紙寫出黎，因為只用腦諗的話，人類都會直覺地規避弊處，只諗好處從而直覺地作出選擇，我覺得都講得幾啱同幾有用，另外，目標亦要設定底線。另外亦要”預想”作出選擇後，每一個選擇將會帶來0既後果及選擇後出現問題時如何應變及改變選擇。