人生探索計劃

成日都諗，財務自由後要做啲乜，但係好似越想財務自由，就越難財務自由咁，與其等到財務自由先做，不如而家就做。

睇返我個夢想100清單 https://threelau.blogspot.com/2020/05/100.html

現在可以做0既野都有分要錢先做到同唔駛錢都做到0既事，而其實要錢先做到0既野真正需要0既錢都唔多，即使係住一千尺屋，如果唔係買，而係租的話，其實都住得起，問題只係住到幾耐，若果肯住村屋的話，更加冇問題，當我細心睇睇樓盤後，發覺我要0既唔係一千尺，而係只要3房連套廁就夠，不過呢家我唔會用呢啲錢，而再老啲，我又會變左冇咁0既需要。

諗左好多年自己到底鐘意做啲乜、應該做啲乜，但係都諗唔到，最近幾年先學識齋諗唔做係冇用，所以都係要行動及執行，另外學識左每次只做一件事，考慮到時間同金錢因素，最後揀左問恩借啞鈴練大隻，其實同步借左本書喺iPad 練畫畫，不過最後發覺原來要搵到時間玩啞鈴原來都唔容易，根據我之前學既幾個法側，1. 五秒法則 - 1、2、3、4、5做； 2. 原子習慣 - 係咪都開始左每日有做先，做到幾多都冇所謂，最重要係嗰日有做過，總算持續左幾日，唔知維持到幾耐呢。

1. 行動 / 執行及輸出

2. 觀察自己行動期間及行動後的感受

3. 喜歡就繼續行動及輸出，持續成長

4. 不喜歡的自然會停止

5. 試第二樣