魚池壞泵事件

琴日魚池個泵壞左，我即時叫左在現場的判頭去睇睇，佢都只能call電燈師傅睇，我同步問左上級有咩處理方法，但佢都未有指示，而最後都未搵到師傅當日去睇，第二日，死淨三條魚，早上搵左內部技工去睇，原來佢有個士啤泵可以換左佢就搞返掂。

呢件事，回想自己做錯左嘅係冇諗到內部技工可以處理，只能當吸取經驗，下次要即時諗埋內部技工先。但心裏硬係有點在意，原因係明明可以好簡單處理到，但冇諗到。

當然亦都係結果諗，若早上內部技工都處理唔到，其實都係要等搵到電燈師傅先處理到，而結果都係會死淨三條魚。

《實踐你夢想的第1本筆記書》書評：用手帳解鎖真我，活出你想要嘅人生

你有冇試過覺得人生好似迷霧中行路，明明好努力，但總係唔知自己點解唔開心，或者想要啲乜？《實踐你夢想的第1本筆記書：讓你輕鬆上手、堅持下去、達成心願的25個手帳妙招》好似你嘅人生導航，教你點樣用簡單嘅筆記方法，解鎖真實嘅自己，搵到屬於你嘅方向同快樂！

你真係了解自己？定係喺度「自己呃自己」？

好多人都以為自己好了解自己，但書中一針見血咁指出：我哋好多時都喺心理上「自己呃自己」！例如話好想追夢，但成日搵藉口拖延；或者覺得自己好忙，但其實係將時間花喺無意義嘅事上面。呢本書教你一個簡單又超有效嘅方法——記錄。透過將你嘅行為、思想、喜好同感受寫低，你會好似剝洋蔥咁，一層層發現真實嘅自己。原來，了解自己唔係靠空想，而係靠一枝筆、一本簿！

25個手帳妙招，幫你搵到人生方向

書中介紹咗25個手帳技巧，教你點樣用筆記去整理人生，搵到自己嘅目標同動力。以下係我特別有共鳴嘅幾個方法：

• 記錄日常點滴：唔係要你寫長篇日記，而係簡單記低你每日嘅小事，例如食咗啲乜、點解今日特別開心或唔開心。慢慢你會發現，自己嘅情緒同行為背後有啲咩規律。

• 列出喜歡同唔喜歡嘅清單：寫低你鍾意同唔鍾意嘅東西（例如食物、活動、甚至人！），會幫你更清楚自己嘅價值觀同偏好，避免盲目跟風。

• 書、劇、電影嘅觀後感：睇完一本書、一套劇，記低你嘅感受同啟發。呢啲記錄會幫你明白，點樣嘅故事同價值觀同你最有共鳴。

• 個人偏好導圖：畫一張屬於你嘅「人生地圖」，將你嘅興趣、夢想同目標連繫起來，幫你視覺化自己嘅人生藍圖。

• 100件事清單：列出你想試、想做嘅100件事，無論係大（去環遊世界）定細（試下煮一餐新菜），呢個清單會畀你無限動力去追夢！

• 練習1　個人偏好導圖

• 練習2　腦內解剖圖

• 練習3　想做的100件事清單

• 練習4　「理想目標」的許願籤

• 練習5　抒壓清單

重溫筆記，重新發現自己

最令我震撼嘅係，書中提到重溫自己嘅筆記真是一個「照妖鏡」！你會見到自己點樣喺唔同階段成長、改變，甚至發現以前嘅自己點樣「唔知自己想要啲乜」。透過重溫，你會更清楚自己嘅人生目標，學會同無謂嘅壓力同選擇講拜拜，唔再隨波逐流。呢個過程好似同自己傾偈，幫你同內心嘅真我連繫起來，仲可以畀你勇氣去改善同進步。

點解你要即刻拎起呢本書？

老實講，我一開始覺得「手帳」好似好麻煩，仲以為係啲文青嘅玩意。但睇完呢本書，我完全改觀！作者用好貼地嘅語言同例子，教你點樣將手帳變成一個超實用嘅人生工具。書中嘅25個妙招好易上手，無論你係忙到飛起嘅上班族，定係迷惘嘅學生，都一定搵到啱你嘅方法。

如果你成日覺得人生無方向，或者好想追夢但唔知點起步，呢本書會畀你一個全新嘅角度。佢唔係要你變成一個「完美嘅人」，而係教你點樣同自己做朋友，了解自己嘅需要同夢想，然後一步步將佢哋實現。讀完之後，我開始試著寫每日筆記，結果真係好似搵到一個「人生教練」，每日都多咗一份動力同清晰感！

準備好未？用筆記改變人生！

試想吓，如果你可以用一枝筆、一本簿，就搵到屬於自己嘅人生方向，甩開無謂嘅迷霧同壓力，係咪好值得一試？《實踐你夢想的第1本筆記書》唔單止係一本書，仲係一個邀請——邀請你同自己重新連繫，活出真真正正屬於你嘅人生。快啲拎起呢本書，開始你嘅手帳之旅，保證你會愛上呢個簡單又改變人生嘅習慣！

《管他去死是人生最大的自由》書評：甩開包袱，活出真我嘅人生清理術

《管他去死是人生最大的自由》書評：甩開包袱，活出真我嘅人生清理術

如果你曾經覺得人生好似揹住一籮筐嘅壓力，成日為啲唔重要嘅人、事、物而煩惱，咁《管他去死是人生最大的自由：活出理想人生的身心靈清理法則》絕對係你嘅救星！呢本書好似一記當頭棒喝，教你點樣同「心煩」嘅人生講拜拜，搵到屬於自己嘅輕鬆同自由。

心動定心煩？人生嘅斷捨離哲學

作者提到佢有睇過《怦然心動的人生整理魔法》，將人生所有事分為「心動」同「心煩」兩大類。聽落好簡單，但做到真是一個大挑戰！書中教你用一個實際嘅角度去審視人生：每做一件事之前，都要問自己——呢件事值唔值得我付出金錢、時間、心力？如果答案係「唔值」，就果斷同佢say goodbye！呢個「幹捨離」嘅思維真是一個game changer，幫你將人生嘅雜物清走，留低真正令你開心嘅東西。

「管他去死」嘅四大清理範疇

書中將人生嘅「斷捨離」分成四個層次，由易到難，逐步教你點樣將「管他去死」融入生活：

1. 事物：呢個係最容易入手嘅類別。屋企堆滿唔再用嘅衫、雜物，或者手機入面一堆無聊app，統統都可以即刻清！斷捨離之後，你會發現環境同心情都變得清爽。
2. 工作：我哋點都有啲工作上嘅「煩事」，例如無意義嘅會議、雞毛蒜皮嘅同事紛爭。書中教你點樣識別同甩開呢啲「心煩」任務，專注喺真正有價值嘅工作。
3. 朋友、點頭之交、陌生人：呢個有啲挑戰，因為人情壓力真是一個大魔頭。你有冇試過為咗唔想傷害別人，而勉強同啲唔啱key嘅朋友keep住聯繫？作者教你點樣優雅地同呢啲關係講再見，釋放自己嘅時間同能量。
4. 家人同親戚：呢個係終極boss級難度！特別係同家人有唔同嘅政治、宗教立場，或者親戚總愛喺團年飯上「關心」你嘅人生大事。書中提供實用嘅方法，幫你喺愛同界線之間搵到平衡，唔再被「應該」綁架。

點解你應該即刻拎起呢本書？

老實講，我睇呢本書嘅時候真係好快手，因為我以為自己已經係個「開悟者」，平時好似好懂得清理人生嘅垃圾。但點知，睇完先發現自己有啲地方原來仲係「王八蛋」心態，仲有好多進步空間！例如，我有冇真係做到「不抱歉的清理法」？有冇真心同啲無謂嘅壓力講拜拜？呢本書好似一面鏡，照出你點樣喺唔知唔覺間被社會期望同他人目光綁住。

如果你係一個太在意別人眼光，甚至因為「唔想令人失望」而犧牲自己快樂嘅人，呢本書真是一個及時雨。佢唔係教你變自私，而係教你點樣喺愛自己同愛別人之間搵到平衡。書中嘅例子好貼地，作者仲好幽默咁分享自己嘅人生教訓，讀起來完全唔沉悶，仲會忍唔住笑出聲！

共鳴點：你準備好未？

試問有邊個唔想人生輕鬆啲？無論你係被工作壓到喘不過氣，定係成日為啲人際關係嘅「應該」而煩惱，呢本書都會畀你一個全新嘅視角，去重新審視你嘅人生選擇。佢唔係要你同全世界割席，而係教你點樣有智慧咁放下，搵到真正屬於你嘅自由同快樂。

所以，仲等咩？拎起《管他去死是人生最大的自由》，畀自己一個機會，試下「管他去死」嘅人生清理術！或者你會同我一樣，睇完之後覺得：原來，人生真係可以咁輕鬆！

我們想去的地方 作者 張琉珍

好耐冇睇過小說類0既書，見到《我們想去的地方》就俾個書名吸引左，隨便睇睇簡介，之後就借左黎睇，睇完後覺得好普通，冇乜特別，故事係講三個打工女仔藉住投資以太坊而賺到啲錢，過程不斷講以太坊0既價錢升升跌跌，由於我睇野好表面，所以冇覺得好睇，但心底有覺得有啲野，就係我地『呢啲人(打工仔)』就好似書中三個女主角一樣，成日都會有著一顆只想靠投資、賭博、買六合彩去達到突然發達、變有錢，唔駛做0既心，主要原因係因為日復一復，返工放工，每個月都用份人工去修補一個永遠都沒法修補好的破洞，沒有希望。

當我再睇吓啲書評及解讀，先開始有點明白點解呢本書會攞到奬，書中描述到女主角的生活就講緊現時大部份年輕人的困局，所以可以令到好多人有共鳴，其實我地都只係想工作有點希望，可以令到自己及屋企人身活更好，但好似無論你點努力都做唔到咁，而最後三個女主角藉住投資以太坊而賺到錢，呢個亦都應該係讀者都希望自己做到0既事。

「我們每個人臉上都留下了某種我們不曾意識到的，過去曾經擁有過、但如今早已悄然消逝的痕跡，我們都擁有著一張只能靠薪水過活的臉。」——《我們想去的地方》

僧人心態：從道場到職場，訓練你的心，過著平靜而有目標的每一天

呢本書本來覺得好悶，因為有一章講點放下仇恨，但由於我本來冇乜仇恨感，所以冇乜心機睇，但睇到接近一半就開始講『法』，如何覺察自己的日常，去搵出自己的長處，再實現自己的『法』，以達到內在的喜悅。『法』呢樣野一直都係我尋找0既野，

1. 觀察自己除工作及睡眠以外，其餘時間會用黎做乜，從而判斷自己的價值觀及喜好，看看自己是否知行合一。

2. 遠離負面情緒及批判等，沒有人是完美，將所有事情及說話都轉向正面

3. 抽離不等於冷漠，就好似去旅行租車咁，你可以當吓享受嗰架車，但你知道架車不屬於你，你反而更珍惜可以駕架車的時間。

4. 所有日常生活都有靈性，問題只係你有冇覺知到及活出其中的意圖

5. 當你希望怎樣時，不要抱著乜都唔做便會達到的心態，而係要諗吓如何行動去達成你的希望

6. 熱情+專長+有用=『法』

7. 大腦本能，例如懶惰、怕改變都會阻礙你實淺『法』

8. 進行任何活動後，問自己以下問題:

a. 我喜歡這個活動的那個部份?

b. 我擅長嗎?

c. 我會想閱讀、了解和花很多時間做這件事嗎?

d. 我有求進步的動力嗎?

e. 是甚麽讓我感覺舒服或不舒服?

f. 我的舒服是正面的(能讓我成長的挑戰)抑或是負面的?

探索自己種姓時，關鍵問題是:我享受這個過程嗎? 別人喜歡這個結果嗎?

9. 地點有能量，喺指定地點做指定0既事，例如飯廳淨係食飯；時間有記憶，喺指定時間做指定0既事，例如晚飯時間淨係食晚飯。

10. 記住兩件事，記住別人對自己做過的好事，以及記住自己對別人做過的壞事；

忘記兩件事，忘記別人對自己做過的壞事，以及忘記自己對別人做過的好事。

11. 現時你有的野，以前屬於別人，將來亦會屬於別人。

12. 「對萬物心懷感恩，包括平凡的事物在內，尤其是平凡的事物。」-佩瑪．丘卓

13. 感恩與安於不足是有分別的。

蔡康永的說話之道

你說甚麽話及用甚麽態度說話，俾到人的感覺便會在別人心中主觀覺得你是甚麽人。

1. 將A朋友對你說有關讚美B朋友的說話，說給B朋友聽，B朋友聽後必定開心，A及B之間的感觀都必然向好。

2. 說話係每日都可以好容易、方便去玩味同練習0既野，當自己對人用某種態度講某句說話時，之後都可以反思吓自己點解用呢種態度講呢句說話，從而了解自己多啲。

3. 就算冇心機聽人講野，重複對方說話的重點或部份關鍵字，俾人感覺就會係有心聽。

4. 搵人幫手嘅時候，俾人感覺係夥伴一齊去做嘢，例如想搵人一齊去見客，就話想搵佢一齊去見吓老顧客，例如想人介紹朋友，就話自己都會介紹邊個邊個俾人識，例如開店想附近店參與喺你印的傳單上，可以話幫人宣傳及印埋，仲可放人店面，幫你宣傳。

5. 唔好同對方講你懂佢嘅痛苦，純粹聽佢講，再同佢一齊呻吓，若果佢係想引蛇出洞，例如佢覺得自己老，你就要話唔係，唔覺佢老。

2019 - 2024 投資成績記錄

2024年 +4.3%  (VOO +24.98%)

2023年 +34% (VOO +26.32%)

2022年 -38%  (VOO -18.19%)

2021年 +28% (VOO +28.78%)

2020年 +27% (VOO +18.29%)

2019年 +8% (VOO +31.35%)

2024年頭買入TLT ，期間不斷收息及期權金，出出入入，最終唔計息及期權金，平均價$98，但10月中Ray Dalio一話美長債係高風險，TLT 股價就連跌幾日，跌到落$93，我終於因為驚而$93賣晒，第二日大市跌，TLT 最高升到上$95，我呢啲失敗操作真係好值反思。

1. 呢家又係純粹事後孔明睇做好似做錯，但若TLT 股價續跌，我就係做啱，呢家我0既操作係免左股價續跌風險

2. 或可考慮分段出入

3. 其實好清楚自己買左咩，TLT 成份係咩，但唔夠清楚長短息升跌對TLT 影響

4. 越黎越確認自己想買返指數ETF，追求每年10%回報就已經好滿足，但唔容易

5. 呢家個事升到咁，都唔知點入返個市場好，呢家入市，值博率唔高，一入又驚坐艇，唔入又驚通脹及錯過回報

6. 最好分段入

金錢心理學 : 打破你對金錢的迷思,學會聰明花費

有部份人偏好將自己啲錢分開不同的心理帳戶，例如旅遊、餐飲、娛樂、保險、投資等，但最終佢地都會因為當天的心情、喜好而搬籠門，最終沒有跟足自己內心定好的規則而隨意調動不同心理帳戶內的錢。

無論係時間抑或金錢都有機會成本，但有部份人花錢時，例如買$10蘋果，就不會太花腦力去思考該$10的機會成本仲可以用黎做其他啲乜野。

花錢時會有花錢之痛，而不同的付款模式會影響左花錢之痛出現0既時間，例如預付模式、即時付款模式或後付模式，而花錢之痛亦會影響該花錢體驗之感受，以預付模式的度蜜月為例，是先付款時感受到花錢之痛，但不會即時有產品體驗，而到體驗後無需付款，那麽便不會影響到該行程體驗，但若不是預付模式，去到度蜜月，食一餐付一次錢，每樣野都每次付錢，完結後才付酒店錢，看到帳單時便即時會有花錢之痛，這便會影響到該度蜜月的感覺及回憶。

人類天性都追求公平性，若下雨時，雨傘貴一倍便會覺得唔公平而唔買，但其實係由供求影響價格，另外亦會在意服務力費力程度，例如開鎖匠只耐一分鐘開個鎖，人類便覺得貴，但若開鎖匠費力地用一小時開鎖，人類便會覺得較化算，但其實係由效益來計算價格，畢加索曾經幫一個女士用幾分鐘畫了一幅畫，該女士問收費時，畢加索說2萬美金，該女士說畢加索只用了幾分鐘畫這幅畫，畢加索說我用了幾分鐘加60年才畫到這幅畫。

考慮服務/物品價錢是否值得時，可試吓唔用價錢考慮，而用自己的工時去考慮。

可試與未來的自己連結，例如未來的自己會如何感謝今日的自己儲蓄。

禪與摩托車維修的藝術

越睇越唔知佢講乜，越冇心機睇同唔想睇，但係唔知點解又硬係想睇埋佢，或者想知道佢之後講乜同埋點完結，總量將自己記得0既記錄一下:

1. 作者/主角無法定義『質素』，但例如由一堆人去睇三段文章 / 三本著作，佢地都未必定義到何謂『質素』，但若要佢地評分，又可以評分得到邊本著作最好睇，而通常大部人的評分次序都差不多，但其實又好主觀。

2. 行山應著重過程/山腰，而不是終點/山頂，但若沒有山頂的話，又如何判段何謂山腰。

我們想「感路」而非「趕路」

2024年10月21日 Bitcoin 出現明顯杯型帶柄（Cup and Handle）

 

2024年10月8日 實測操作之現在應否入市

2024年9月恒指一個月由17000升至23000，升幅有35%，今日恒指一開市跌左過千點，曾經跌到21000，本來我一直都冇入市，但襯有小小時間，諗住參與一下，學習一下，喺恒指跌過千點時用$5.75買入1000股的7226，低位曾經去到$4.87，即係比我買入價曾經跌左15% (即$880)，其間不停都睇住個股價上落，好浪費時間，就當我好彩買入後即升10-20%，最多都只係賺1千左右，呢啲高風險短炒，唔會大手入，賺又賺唔多，真係唔太值得花時間心機去玩。

另外，我再用$400 Long Put 盈富基金，再用$300 Long Call盈富基金，期權有時間值，時間過得越耐，只會貶值，當我Put Call 入得齊，總供都要$700，即係其中一邊升一倍，我先可以賺得返另外嗰一邊0既本金，實際即係冇賺，若果冇爆邊，即係兩邊都要輸晒，又係輸，所以都唔太值得花時間心機去玩，最後即日賣晒期權，其實要賣得出都唔容易，好好彩，總共賺左$100，扣埋手續費都唔知有冇賺。

而7226跌到落$4.9收市，賣唔出，暫時輸左$850。

最後10月9日$4.8止蝕賣出收場。