彩星集團業績

其實當初買入彩星純為學習性質，因此當時於$1.15只買了4000股，以現價$1.07計都只係蝕$320，最新出份現績都麻麻，但派息3仙都算中規中矩，另外，當時買入佢係因為見到佢當時每股資產淨值係$25，但彩星喺2017/03/29 將1股拆10股，而我係喺當時直接睇芋網上顯示的每股資產淨值，但呢家諗返，無論喺股息或每股資產淨值，都有需要睇年報再自己計先會好啲同準確啲，因為根本唔知啲網顯示0既數係拆左股前的後得出黎，以我呢家睇最新年報顯示最新資產淨值為6,632,389,000，期內已發行普通股之加權平均數2,118,704,000股，即每股資產淨值係$3.13，以現價$1.07計，P/B為0.34，與雪球現顯示的0.36差不多。呢隻股票又令我上左一課，暫時會繼續持有。

雖然未到年結，但所有公司都出晒業績，簡得總結一下以作記錄(不包括任何手續費):

股號	買入價	現價	買入股數	買入總價	現值	總股息	盈虧	盈虧%
410	4.2	4.45	3000	12600	13350	2352	3102	24.62%
635	1.15	1.07	4000	4600	4280	120	-200	-4.35%
778	9.72	9.13	1000	9720	9130	255.3	-334.7	-3.44%
1285	2.3	1.85	10000	23000	18500	1470	-3030	-13.17%
1426	3.2	3.3	8000	25600	26400	760	1560	6.09%
87001	3.09	3.09	7000	21630	21630	963.9	963.9	4.46%
			Total	97150	93290	5921.2	2061.2	2.12%

整體黎講只有2.12%升幅，連通脹都唔知追唔追到，離我本來目標每年10%甚至係差好遠，表面睇，最大原因緊係嘉士利股價0既跌幅啦，唯有期望過嘉士利明年業績變好啦，但有某仔師兄講過期望某公司明年業績變好係投機而唔係投資，不過嘉士利就算明年業績持平，其實依然係一間有盈利0既公司，如果佢每年派息不變，15年已經足以另我回本，而且就算係幾好幾大0既公司都有盈利倒退或蝕錢0既時候，以嘉士利2017年半年度年報來說，暫未睇到佢會出現盈利倒退或蝕錢0既情況，所以所有股票都會繼續持有，等睇下年業績，另外，諗深一層，有幾隻股票我係後半年先買入，收小左半份股息。

總之今年目標係要確保2018年前有30萬現金作投資，喺我呢家0既狀況，只要唔好俾人炒，應該都可以做得到。

------------------------------------------------------------------------------------------------

今日發現計多左410的股息，實在冇時間改返，都係留待年結再review。

嘉士利及SOHO中國業績

嘉士利業績令人有點失望，幸好公司尚有錢賺，以我買入價$2.3計算，每股盈利有10.14分都算免強可以接受，以上半年報表來講，好難預測後半年盈利，可以說好壞參半，所以決定再睇多半年先再決定，若果下半年盈利有返增長，派息不變的話，將會繼續持有。

而SOHO中國業績則另人刮目相看，潘石屹真係一個敢作敢為、前瞻又創新0既人，SOHO 3Q即係共享辦公空間呢個理念已經唔係第一次聽，喺我搵工期間，已經有過一間類似0既公司叫我去面試，我已經對呢間公司有啲興趣，但其實又有啲覺得享辦公空間呢樣野都幾難個，細心啲睇年報，會發現賺錢純粹因為投資物業的評估增值由2016年0既11億升到2017年0既61億，呢啲水份完全只係帳面賺，而唔係生意盈利能力，暫時黎講，繼續持有，睇佢會唔會繼續大派息(今期將會派發每股人民幣0.346元的特別股息)，同埋租務方面會唔會真係賺到錢。

有啲想增持SOHO中國，但考慮現時買入任何股票0既風險都好大，所以都係要繼續忍手，不排除出糧後及除淨前會忍唔住入多小小。

無論如何，呢兩隻股票都另我學習到好多野，無論賺定蝕都係值得。若果嘉士利將來業績繼續變差，會另我更加小心，只買入一啲藍籌股及較大型0既公司，但其實嘉士利已經算係中國餅乾界龍頭，唯有拭目以待啦，而SOHO中國教識我管理層經營理念真係好重要，世界不斷轉變，如果公司唔作出轉變，幾大0既公司都有機會被淘汰。

嘉士利集團

除淨前買入以$2.3買入了1萬股，今個年度派了$0.15，買入原因係因為某Blogger有入，每年盈利上升，息率吸引，當時並建議了老婆購入了5千股一同收息，派息後股價平穩，但直至今日已跌至$1.9，只計算股價，跌幅已達17%，直得記錄及檢討。

首先，小弟承認買入時資料搜集準備不足，見某Blogger有入，自己就入，今次股價跌幅咁大，可以作為小弟再一次踏入股市的好考驗。直至現時亦沒有任何新聞報告嘉士利有任何問題，若股息不變的話，收多一兩次息可回本，但損失了機會成本，以現時市況來說，不會進行溝淡，亦不會再買入，有待業績公布再作決定，如業績正常的話，會繼續持有，這就是價值投資，公司業務狀況，盈利及派息沒有太大問題的話就值得繼續持有，短期的股價升跌是不用理會的。

幸好我老婆不會留意股價，否則會為我帶來壓力，買股票真係最忌同人講，身邊0既人見你買0既股票股價大跌就會好多說話，影響投資者判斷及操作，所以買完股票之後，都係唔好同人講，十年後就知結果。

恒生指數跌穿27000

因於北韓及中印問題，恒生指數跌穿27000，但其實股票價格依然偏貴，按照小弟本來預測，仍會有一段水位升，本來諗住0係呢段時間按制買入3000股朗廷收息，但考慮到若有任何戰爭問題，必令股價大跌，所以都係決定繼續儲備現金等待適當機會才大手買入。

自從返左新工後，就沒有時間上網，公司啲人都成日OT，搞到我都唔好意思準時走，呢啲公司情況真係好麻煩，真係唔明白佢地諗乜，如果真係因為有需要而OT，我覺得為左搞好件事，都尚可接受，但若非必要而特登咁做的話，真係頂爛事。無論如何，今次呢個Project 實在有趣，我都好想盡我能力去完成佢，希望唔會未過試用期就俾人炒左啦。

老朋友聚舊

昨夜與久違了兩年左右的老朋友聚舊，跟他們說起有關財務自由0既野，他們都抱著質疑0既態度，始終我尚未成功，甚至連起步都未算係，而且我都只係紙上談兵，亦都冇任何數據支持，難怪佢地會有點抱著取笑我的態度，結果真係代表一切。其實自己未成功都唔太想提出呢樣野，但係一想到要成功最小要花十年時間左右，現在不跟他們說的話，他們又會浪費左啲時間值，說了就當重了朋友的責任，其他就等十年後0既結果啦，希望自己起碼經歷最小一次0既熊市，咁先可以代表我唔係靠運氣，而係真係理解到投資0既真諦，所以最後先會成功。亦都希望我身邊0既朋友都可以早日達到財務自由，真真正正咁享受佢地0既人生，唔駛再為三餐而苦惱。

轉工

做左新工幾日，唔係遊車河就係遊船河，冇乜做過啲咩野，其實做左幾日就覺得呢份工唔係咁好，但呢幾日依然抱住感恩及知足0既心去返工，始終比起好多人，我已經算好好及幸運，但喺今日收到兩個更加好0既新offer，最後決定即日辭職唔做，已免令現在間公司因為我而蝕得仲多，星期一開始返新工，希望係好同可以做得長啦。

由於返工關係，股票都冇乜睇，暫時應該都係抱住守望態度，升太多的話會開始減持，否則就會保持不變，繼續收息。儲多啲彈藥，等跌市時一炮過。

匯賢及置富中期業績持平，匯賢將會派息人民幣0.1377，比上年同期派息人民幣 0.1439小了一點，但息率依然算高，而置富則會派息港元0.2553，比上年同期派息港元 0.2478多了一點。

開發送水系統 (轉載)

「從前有一個奇異的小村莊，村莊裡除了雨水沒有任何水源，除此之外，這裡可是人們生活
的好地方。為了根本性地解決這個問題，村裡的長者決定對外簽訂一份送水合同，以便每天都能有人把水送到村子裡。有兩個人願意接受這份工作，於是村裡的長者把這份合同同時給了這兩個人，因為他知道，一定的競爭將既有益於保持價格低廉，又能確保水的供應，必要時還可以互相補充。

　　得到合同的兩個人中有一個叫艾德，他立刻行動了起來，他買了兩只鍍鋅的大號鋼桶，每日奔波於1裡以外的湖泊和村莊之間，用他的兩只桶從湖中打水並運回村莊，再把打來的水倒在由村民們修建的一個結實的大蓄水池中。每天早晨他都必須起得比其他村民早，以便當村民需要用水時，蓄水池中已有足夠的水供他們使用。由於起早貪黑地工作，艾德很快就開始賺到了錢。盡管這是一項相當艱苦的工作，但是艾德很高興，因為他能不斷地賺錢，並且他對能夠擁有兩份專營合同中的一份而感到滿意。

　　另外一個獲得合同的人叫比爾，然而令人奇怪的是自從簽訂合同後比爾就消失了，幾個月來，人們一直沒有看見過比爾。這點更令艾德興奮不已，由於沒人與他競爭，他賺到了所有的水錢。

　　比爾幹什麼去了呢?原來比爾沒有像艾德那樣也去買兩只桶，相反，他做了一份詳細的商業計劃，並憑借這份計劃書找到了四位投資者，和他一起開了一家公司，並僱用了一位職業經理。6個月後，比爾帶著一個施工隊和一筆投資回到了村莊。花了整整一年的時間，比爾的施工隊修建了一條從村莊通往湖泊的大容量的不銹鋼管道。

　　在隆重的貫通典禮上，比爾宣佈他的水比艾德的水更乾淨，因為比爾知道有許多人報怨艾德的水中有灰塵。比爾還宣稱，他能夠每天24小時，一星期7天不間斷地為村民提供用水，而艾德卻只能在工作日裡送水，因為他在週末同樣需要休息。同時比爾還宜布，對這種質量更高，供應更為可靠的水，他收取的價格比艾德的價格低75%。於是村民們歡呼雀躍，奔走相告，並立刻要求從比爾的管道上接水龍頭。

　　為了與比爾競爭，艾德也立刻將他的水價降低了75%，並且又買了兩個桶，開始一次運送四桶水，為了減少灰塵，他還給每個桶都加上了蓋子。為了提供更好的服務，他僱用他的兩個兒子為他幫忙，以便通過倒休在夜間和週末也能夠工作。當他的兒子們要離開村莊去上學時，他深情地對他們說：『快些回來，因為有一天這份工作將屬於你們。』由於某種原因，他的兒子們上完學後沒再回來。艾德不得已僱用了幫工，可又遇到了令他頭痛的工會問題。工會要求他付更高的工資，提供更好的福利，並要求減輕勞動強度，允許工會成員每次只運送一桶水。

　　此時，比爾卻在思考：如果這個村莊需要水，其他有類似環境的村莊一定也需要水。於是他重新制定了他的商業計劃，開始向全國甚至全世界的村莊推銷他的快速、大容量、低成本並且衛生的送水系統。每送出一桶水他只賺1便士，但是每天他能送幾十萬桶水。無論他是否工作，幾十萬的人都要消費這兒十萬桶的水，而所有的這些錢便都流入了比爾的銀行賬戶中。顯然，比爾不但開發了使水流向村莊的管道，而且還開發了一個使錢流向自己的錢包的管道。

　　從此以後，比爾幸福地生活著，而艾德在他的余生裡仍拚命地工作，最終還是陷在了「永久」的財務問題中。故事就這樣結束了。」

------------------------------------------------------------------

喺香港，達到財務自由是必需的，是對自己人生0既一種責任，請不要逃避，因為人生真係太短暫喇，我地真係唔以花光整個人生去換取金錢來生存，否則實在太對唔住自己0既生命喇，上一代總是教我地努力工作儲錢，這是對的上一步，但他們及學校都沒有教導我們下一步，儲錢後要投資，投資唔係投機，唔係最求短期內的翻倍回報，而係十年以上的複息長期回報。

現時恒生指數27000

現時恒生指數由作天升穿27000後，今日開始有回吐0既跡象，但暫時仍企穩27000，今日匯賢及置富將會出業績，看完其業績後，我會再決定是否加碼入市，其實呢個時候入市會增加自己風險，但考慮到價值投資，就算入市，我都只會買年息率達到7%左右的股票，若股市真的於我入市後下跌，我都會每年收到7%的利息，另外我不會保留25%資金作股市下跌時溝淡用，而若於我入市後股市繼續上升，我將不會繼續加碼，並不停儲備現金以作大跌市時入貨。

由於發覺呢一代實在有太多人已經了解到價值投資並已達到財務自由，這部份師兄現時不會賣出手頭持股，以作收息，當高位時亦只會逐步減持，並由某部份人接火棒頂住個市。
另外，現時大部份公司業績都有上升趨勢，因此小弟認為如沒有大意外整體股市只會繼續向上，而若有意外，回吐後亦會向上，並會升穿2007年31,958的歷史高位，直到某一個契機才會崩盤。

雖然小弟預測恒指將會升穿歷史高位，但由於小弟現金不多，因此小弟仍會按照以上操作，再等待機會來臨。

現有股票如下:

股號	買入價	買入股數	買入總價	現價	現總價	預算明年股息	總股息
410	4.2	3000	12600	4.21	12630	0.63545	1906.35
635	1.15	4000	4600	1.12	4480	0.28	1120
778	9.72	1000	9720	9.77	9770	0.4828	482.8
1285	2.3	10000	23000	2.24	22400	0.15	1500
1426	3.2	8000	25600	3.45	27600	0.256	2048
*87001	3.09	7000	21630	3.21	22470	0.2776	1943.2
		Total	97150		99350		9000.35

*為方便計算匯賢的CNY 亦當作HKD計算。
*不計入任何買賣股票手續費。

咁耐以黎總共收到HK$3,120股息，即現有HKD203,770現金。

上表預算2018年股息都是按照2016年的派息計算，若我投入30萬支金，而所有股票派息均不少於2016年的話，我將每年收到3萬左右派息，夠我3個月的生活費，只要再儲多4份這樣的組合，我便達到財務自由了。

終於搵到新工

呢兩日數到三個offer，三個offer人工都同以前份工一樣，比較過後，揀左一份覺得較有機會發展自己事業0既一份黎做，但係將會由以前的銀行假變做勞工假，年假由原來的16日跌到落7日，以及將會由原來的五日工轉做五日半。以2018年度計算的話，即係總共小左38日(9日年假+5日銀行假+24日(五日半的半日))，若果花紅達到1.5份糧的話，這份工作才化算，當然亦要視乎呢份工作會唔會帶俾我其他額外利益。

早前叫我轉去佢公司做嗰位人兄終於打返俾我，但因為某些原因，大家都決定唔合作住，等過一段時間再決定。但因為今次呢件事，另我對呢位人兄0既信任度大大減低。

由7月4日last day 到8月1日再就職，差不多失業了一個月，浪費了搵多一個月人工的時間，但係令我再一次認識價值投資及財務自由呢樣野，再加上可以迫我離開本來0既comfort zone 去作出改變，都未嘗唔係一件好事，都係嗰句，塞翁失馬，焉知非福，最後都係睇結果。

今次失業除左令我再一次認識價值投資及財務自由呢樣野之外，亦都令我對工作0既態度有所改變，以前成日覺得份工唔夠好，又唔係自己想做0既野，成日都唔知足，但係經過今次失業時期，開始覺得感恩有工作做，同埋作為員工，應該要站喺老闆0既角度去工作，令自己工作時更加用心學習所有野，抱住自己出去創業都會有料有競爭力0既心去做。

股票方面，作日以1.15買入4000股彩星集團(635)，其每股淨資產值HK$28.5，實在相差好大，但上年度盈利不好，所以小注買入這枝股票觀察。

其實好多Blogger 都唔建議喺呢個時期入市，因為恒指呢段時間都升左好多，就算買入高息股都好大機會賺息蝕價，但係下一個cycle 又唔知幾時到，考慮到大部份公司業績都唔錯，如無大意外，股市應該只會保持住調整及向上，所以我最終都決定小量入市收息，到跌市時再大手入市溝淡，如短期內跌市都唔會賣出手上股票，只會長擺收息，如升市的話就會視乎情況賣出。

ＳＯＨＯ中國(410)及置富產業信託(778)

作日以4.1買入3000股ＳＯＨＯ中國(00410)，其每股淨資產值HK$7.4，因始該公司即使有任何問題，其資產亦比小弟買入價高約80%，每年平均息率有11%，預算其中期業績盈利會平穩及逐步向上，預估每股派息約HK$0.2。

另外今日以9.72買入1000股置富產業信託(778)，其每股淨資產值HK$12.9，每年平均息率有4.27%，預算其中期業績盈利會與上一年度差不多，預估每股派息約HK$0.2。

喺呢段時期，恒指升了一個星期，呢家入市0既風險其實提高了，但由於接近業績期，如果呢家唔入市的話，就冇辦法食到息，面對住賺息蝕價0既風險，其實我都唔知係啱定錯0既決定，但以整體黎講，如沒有大事件發生，而公司的業績又好的話，整體股市應該都會穩步向上，所以我都決定逐步入市食息，作為價值投資者，以呢兩間公司0既年息率計，亦算可接受，唯有留小小現金以作跌市時溝淡用。

廣西山區寄來的一封信

廣西山區寄來的一封信

主唱：Kolor
作曲：Sammy So
填詞：梁栢堅
編曲：KOLOR
監製：KOLOR．Candy Lo．Ben Lam

歌詞

在這地　各位一生要當人上人
但其實全部盲目在追的都經已好運
但幾多個　未懂解困

我想說在某日　遠走山區探訪原住民
路途極長終去到極偏僻的山谷有些人
活得簡樸　但很吸引
未必餐餐吃飽　或極貧無依靠
我問他一句「你好，一生有何需要？」
怎知他答我

不想再有什麼　不需要有什麼
快樂　都一早擁有得太多
哥哥你快樂麼　一起唱唱山歌　拍和
很高興今天訪探我　請跟我到小屋裡來坐

在這日　看到身邊太多同路人
想買車買樓結婚為三餐一宿總會傷神
活得豐厚　但都不憤
目標多得困身　彷彿有了心癮
我問他一句「你好，一生有何需要？」
怎知他答我

錢銀我要極多　錢銀哪個嫌多
我願　通通都得到可以麼
想給世界認可　不想再要坎坷肚餓
不想給公司操控我　總之得到的不夠多

能夠自覺幸運　就已是冠軍　再沒缺陷誰要送贈
原來知足一句已莫問　全多得這教訓
接收得到是緣份　現在一醒覺就可解這封印

不想再有什麼　不需要有什麼
快樂　都一早擁有得太多
今天你快樂麼　聽到我這首歌　慶賀
高興不只一個我　山區中的一課

若我問　已經攀登那些「人上人」
得到幾百億美金但今天都始終有些憾
但不需說　誰都知道
再一次　若我問

-----------------------------------------------------
係我地辛活得太苦?定係我地太過唔知足!