2020年6月結

IB 顯示YTD 係-3%左右，日股繼續蝕25%左右，新加坡REIT蝕20%，蝕最多0既美債就係35%，之前諗，呢啲都係賬面蝕，等幾年計埋息就會返返黎，但近來入左啲blogger 的Whatsapp 群組，再睇左好多之前冇接觸過的Blog，見到人地買美股2020年頭半年已經賺緊25%-60%，計一計自己呢家失業，本金又得一百萬唔夠，想做到靠蝕息財自真係唯有靠槓桿，但係冇收入，再加上呢真係好驚跌市時頂唔住，所以都唔敢做咁大，驚有咩事冇錢補倉，年頭蝕左30%左右，最後慢慢靠Short Covered Call 追返，不過都係有運，反思呢本年，我買的日股同新加坡REIT都蝕得幾多，好彩控制注碼，但就浪費左機會成本，都係美股ETF 加期權較適合我。呢家計落，其實我槓桿一倍，每年7%回報就算係可以做到好勉強0既財自，雖然2019年時我算係做到8%回報，但當時未將全部資本投入，冇做槓桿加上算係牛市尾先做到，今年頭半年即刻輸突。展望下半年應該繼續做ETF加期權，再作檢討。

創業之一

唔知呢個系列唔知會唔會寫左一次就唔再，因為創業真係好易令人氣餒，由一開始D教我搵人，到搵到差不多十個，再叫佢地做野，feedback 返黎係令我覺得自己太無料，無辦法叫人做野，更令我覺得自己好無用，對其他野都覺得好無力，有種好唔想再做0既感覺，但如果放棄的話又唔知仲可以做咩，所以都令自己想繼續硬住頭皮去做。

失業接近一個月

失業接近一個月，期間不停做外賣，但由於通常平日只拎到中午間，做三個鐘，好彩的話，每個鐘先搵到$80-$90，一日搵唔夠三百，其實慳啲洗都冇乜問題，其實我都已經好慳，但買一包尿片或一罐奶粉已經差不多等於我一日搵0既錢，加上星期日通常湊女唔開工，加上著拖鞋又腳痛，著鞋又腳痕問題，有時去吓沙灘又冇開工，六月半個月黎講，唔計每月的家庭主要開支的$6,000 (供樓、工人人工、水電煤等)，只計飲食，免強仲有千幾淨，不過就要諗點補返$6,000返黎，但真係搵$6,000都唔容易，其實肯返多啲工，應該都搵到，不過呢個月都係hea 啲先。

股票方面都冇乜變動，但上個月個的Short Covered Call 都升穿左，明天好大機會會俾人接晒啲貨，上半年賺到的期權金算係啱啱好補返$300 Short Put VOO 接到的貨，再$285 Short Covered Call 被接了的貨，變相高買低賣得個吉。

套返啲現金又唔知入唔入返貨好，本來仲諗住賺到期權金再用黎幫補每月開支，但其實真係唔可以咁計...就算俾我好彩每月賺到的錢完全夠補每月開支，但我的資產根本冇增值過，同埋要賺到每月開支真係好難。

之前見返Damon 諗住創業，佢教左我一啲方法，真係幾有趣，但成件事都好似遊戲咁，好唔實在，但呢樣係唯一令我比較有希望0既野，唯有跟佢指示繼續試玩落去。

搵工方面可以話完全冇進展，見個兩份工，頭一份用英文面試左個半鐘，我又好成實咁講話我其實根本唔想做呢行，同面試者講我去過澳洲Working Holiday，佢都覺得好有趣，另外問左我好多技術上0既野，我好多都唔識答，佢最後俾我0既建議係叫我移民，做到的話，我都好想，如果我呢家只係一個人的話，我諗我會做到。

呢次面試令我重新諗我係咪應該考牌，但其實我都唔太想考，逃避同埋懶係主因，但我又唔可以就咁停喺度。

香港難民

由2020年5月22日last day返A公司之後，第一日做多賣5小時賺到$500，但之後都冇乜更又冇乜單，每日搵得$180-$220左右，每日計算住啲支出都係入不敷支，真係好難搞，每個月要搵一萬都好難咁，六月開始會正式記錄每一日收支，但係情況並不樂觀。

另一方面，中國通過香港國安法，香港0既自由將會越黎越窄，令到好多人都打算移民，連我都又再生起呢個念頭，不過一諗起錢都係諗唔掂。

英國開始話俾香港有BNO 0既人居留半年及工作，再舖路拎工作簽證，再到長期簽證，但其實大部份被捕0既人都係年青人，而佢地都係冇BNO的。當俾我地呢堆有BNO 0既人走到，但被捕0既年青人又點算呢......

呢個年代世界真係變得好快，快到估唔到我地香港人都會有變難民0既一日，除左臨在同臣服之外，真係唔知可以點做，之後就係唯有繼續選擇自己認為正確0既行動。

懶惰哲學趣話-亨利希·伯爾 (轉載)

人怎樣活着才算幸福?文章中介紹了兩種生活哲學，作者傾向於哪一種?你的看法呢?不妨同同學們討論一下這個問題。

　　歐洲西海岸的某港口泊着一條漁船，一個衣衫寒傖的人正躺在船里打盹兒。一位穿着入時的旅游者趕忙往相機里裝上彩色膠卷，以便拍下這幅田園式的畫面：湛藍的天，碧綠的海翻滾着雪白的浪花，黝黑的船，紅色的漁夫帽。“咔嚓。”再來一張：“咔嚓。”好事成三嘛，當然，那就來個第三張。這清脆的、幾乎懷着敵意的聲音把正在打盹兒的漁夫弄醒了，他慢吞吞地支支腰，慢吞吞地伸手去摸香煙盒；煙還沒有摸着，這位熱情的游客就已將一包香煙遞到了他的面前，雖說沒有把煙塞進他嘴里，但卻放在了他的手里，隨着第四次“咔嚓”聲打火機打着了，真是客氣之至，殷勤之極。這一連串過分殷勤客氣的擧動，真有點莫名其妙，使人頗感困窘，不知如何是好。好在這位游客精通該國語言，於是便試着通過談話來克服這尷尬的場面。

　　“您今天一定會打到很多魚的。”

　　　　漁夫搖搖頭。

　　“聽說今天天氣很好呀。”

　　　　漁夫點點頭。

　　“您不出海捕魚?”

　　　　漁夫搖搖頭，這時游客心里則感到有點悒鬱了。

　　毫無疑問，對於這位衣衫寒傖的漁夫他是頗爲關注的，並爲漁夫耽誤了這次出海捕魚的機會而感到十分惋惜。

　　“噢，您覺得不太舒服?”

　　　　這時漁夫終於不再打啞語，而開始真正說話了。“我身體特棒，”他說，“我還從來沒有感到像現在這麼精神過。”他站起來，伸展一下四肢，仿佛要顯示一下他的體格多麼像運動員。“我的身體棒極了。”

　　游客的表情顯得越來越令人迷惑不解，他再也抑制不住那個像要炸開他心髒的問題了：“那麼您爲什麼不出去打魚呢?”

　　
　　回答是不假思索的，簡短的。“因爲今天一早已經出去打過魚了。”

　　“打得多嗎?”

　　“收穫大極了，所以用不着再出去了。我的筐里有四隻龍蝦，還捕到二十幾條青花魚……”

　　漁夫這時完全醒了，變得隨和了，話匣子也打開了，並且寬慰地拍拍游客的肩膀。他覺得，游客臉上憂心忡忡的神情雖然有點不合時宜，但卻說明他是在爲自己擔憂呀。

　　“我甚至連明天和後天的魚都打夠了，”他用這句話來寬慰這位外國人的心，“您抽支我的煙嗎?”

　　“好，謝謝。”

　　兩人嘴里都叼着煙卷，隨即響起第五次“咔嚓”聲。外國人搖着頭，往船沿上坐下，放下手里的照相機，因爲他現在要騰出兩隻手來強調他說的話。

　　“當然，我並不想幹預您的私事，”他說，“但是請您想一想，要是您今天出海兩次，三次，甚至四次，那您就可以捕到三十幾條，四十多條，五六十條，甚至一百多條青花魚……請您想一想。”

　　漁夫點點頭。

　　“要是您不隻是今天，”游客繼續說，“而且明天、後天、每個好天氣都出去捕二三次，或許四次──您知道，那情況將會是怎麼樣?”

　　漁夫搖搖頭。

　　“不出一年您就可以買輛摩托，兩年就可再買一條船，三四年說不定就有了漁輪；有了兩條船或者那條漁輪，您當然就可以捕到更多的魚──有朝一日您會擁有兩條漁輪，您就可以……”他興奮得一時間連話都說不出來了，“您就可以建一座小冷庫，也許可以蓋一座熏魚廠，隨後再開一個生產各種漬汁魚罐頭廠，您可以坐着直升機飛來飛去找魚群，用無線電指揮您的漁輪作業。您可以取得捕大馬哈魚的權利，開一家活魚飯店，無需通過中間商就直接把龍蝦運往巴黎──然後……”外國人興奮得又說不出話了。他搖搖頭，内心感到無比憂慮，度假的樂趣幾乎已經無影無蹤。他凝視着滾滾而來的排浪，浪里魚兒在歡快地蹦跳。“然後，”他說，但是由於激動他又語塞了。

　　漁夫拍拍他的背，像是拍着一個吃嗆了的孩子。“然後怎麼樣?”他輕聲地問。

　　“然後嘛，”外國人以默默的興奮心情說，“然後您就可以逍遙自在地坐在這里的港口，在太陽下打盹兒──還可以眺覽美麗的大海。”

　　“我現在就這樣做了，”漁夫說，“我正悠然自得地坐在港口打盹兒，隻是您的‘咔嚓’聲把我打攪了。”

　　這位旅游者受到這番開導，便從那里走開了，心里思緒萬千，浮想聯翩，因爲從前他也曾以爲，他隻要好好幹一陣，有朝一日就可以不用再幹活了；對於這位衣衫寒傖的漁夫的同情，此刻在他心里已經煙消雲散，剩下的隻是一絲羨慕。

　　選自《外國散文名篇賞析》（中國青年出版社1993年版）。韓耀成譯。

迷惘

仲有兩個星期就正式失業，琴日仲外賣，因為要等餐等問題，最後用左2.5hr先搵到$55，扣埋撘車錢，得返$20一個鐘都唔知有冇，即刻令我好氣餒，不過今次應該只係好特別0既個別事件，但係自從肺炎導致太多人失業，好多人都湧入外賣業，搞到做外賣搵0既錢都未必夠我每月開支，六月真係要好好記錄一下收支情況。

人生、股市、世界總會有起有跌，唔需要對起跌批判，只需臨在當下，所有野總會升返上去又再跌返落黎。

欠違地前幾日終於見返個女，同佢玩吓，訓吓覺，感覺已經好舒服同幸福。

自從被炒後，寄左好多封履歷表出去，但連見工0既機會都冇，加上面試時都唔知點同人講係俾人炒，睇都真係幾難再搵返同類同價0既工作。

同步地考左保險以及同De Mon 傾吓開公司，但由於太空泛，兩樣野短期內都好難帶到咩野收入俾我咁，所以令我有啲在意，都係唯有繼續靠送外賣黎頂住支出，但預期都未必夠頂，亦都變相要扣老本同埋冇錢再投資，真係此消彼長。

好好奇之後0既情況會發展成點，但我能夠做0既只有做好當下。

"NEVER DEPEND ON SINGLE INCOME, MAKE INVESTMENT TO CREATE A SECOND SOURCE" - WARREN BUFFET

有人辭官歸故里，有人漏夜趕科場。

當我被炒0既同時，亦有不小同事升職，真係有人辭官歸故里，有人漏夜趕科場。做人唔真係唔應同人比較，但又在所難免。其實對於現有份工，除左唔捨得每月份糧之外，冇野在意，但要另外搵一份差唔多人工0既工真係唔易......

由於肺炎問題，近來越黎越外人join外賣平台送外賣，導致無論更份及單數都減小左，前日星期日做左08:00-17:00 共9小時的外賣，補底$55，最後賺$495，另加其他外賣平台及小費，總共$580一日，當我做廿日都有呢個數，一個月先得$11,600。咁樣就要頂到每月支出數都好勉強。

投資方面0既息都好唔穩定，亦絕對唔夠頂，始終要長期睇落去先可以有部份結果，而呢個市況亦唔可以將每月開支寄望喺投資方面，始終太唔穩定，有其風險。

對於家庭財政狀況唔太擔心，只係在意自己冇向前行0既感覺，唔知到底應該向咩野方向走，但只能夠邊行邊留意吓自己心中0既方向，唔好停落黎。

離職後唯有繼續做外賣，繼續考保險及證券有關考試，繼續搵工，睇吓會唔會行左另一條路出黎。

2020年4月23日被炒

都係記錄一吓而已，一個月前收到PIP已經預左，自己未至於可已做到完全冇感覺、唔在意，不過其實都真係唔太在意，本來就對呢家份工冇乜興趣，不過為左錢就一直做，呢家家庭財政狀況雖然唔係勁好，但都算穩健，送吓外賣都應該可以做到唔洗老本夠每月支出同吊命。今次亦都係一個好好0既機會去俾我作出轉變，成日都想轉變，唔想做呢行，但係轉行又會唔捨得現有份糧，呢個時勢想搵返本行都唔容易，要搵返本來人工更加冇乜可能，趁呢個機會睇吓有冇機會轉去我算係有小小興趣0既投資理財保險。不過唔知會唔會一個月內已搵返本行，最後又為左份糧而又做返。

2020年4月記錄

二月時Short Put VOO@$300最後接左貨，袋左$4期權金，股價曾經跌左30%，呢家都只係跌12%左右，再做5月中Short Call@$285袋$1.55期權金。

之前Short Put Macy@$11最後又係接左貨，不停做返Short Call@$11袋極小期權金，@$6又再入左兩手，再做Short Call@$6袋小小期權金，另外再Short Put @3袋極小期權金，好期待Macy最後會俾我操作成點0既結果。

美債有兩隻跌左30%左右，呢家買入等屬回個Yield真係好賺，但真係驚啲公司違約及破產，所以都唔敢入，亦都好彩之前控制左注碼。

新加坡REIT及日股都跌左30%左右，繼續以息養債，又係好好奇最後會俾我操作成點0既結果。佢地會唔會好似匯豐咁停派息呢？抑或大副度減息？

股號	買入日期	買入價	2020現價	買入股數	買入總價	2020現值	2020盈虧	2020盈虧%
VOO	201905	265.42	263.3	12	3185.04	3159.6	-25.44	-0.80%
VTI	201905	148.55	143	18	2673.9	2574	-99.9	-3.74%
VOO	202003	300	263.3	200	60000	52660	-7340	-12.23%
M	202003	11	5.92	200	2200	1184	-1016	-46.18%
M	202003	5.879	5.92	200	1175.8	1184	8.2	0.70%
				Total	76044.04	67588.9	-8455.14	-11.12%
				USD
WPG	20200129	92	62.16	20	1840	1243.2	-596.8	-32.43%
GEO	20200130	99.75	93.5	20	1995	1870	-125	-6.27%
X	20200130	90.41	70.5	10	904.1	705	-199.1	-22.02%
SGP
SV3U	201910	0.52	0.39	5000	2650	1950	-700	-26.42%
					14045
TSEJ
7751	20200130	2983	2228	100	298300	222800	-75500	-25.31%
8316	20200130	3875	2682	100	387500	268200	-119300	-30.79%