期權金頂支出 - 4

前兩日Apple 及Tesla 都拆細，於是即刻Short Put左Apple@$127.5及每日入十股Tesla，點知一買後兩日創新股就大跌，Tesla 計返平均入貨價，跌左18%，Apple接左貨，跌左6%，不過做返Short covered call 應該都冇乜問題，其他好彩又冇乜接貨住，下星期喺盡量夠錢接貨0既情況吓再做OTM Short Put。

呢一個月期權金達到3萬7千，但其實因為接左貨，正股係負超過4萬，反正就係Apple 及Tesla，繼續covered call。

創業之六

每次同D傾電話都會開始有啲怯，因為佢每始都講出我既懶惰、弱點及藉口，難怪佢係成功嗰個，而我唔係。由於我追求0既野及物欲唔高，所以都令我想努力0既心唔強，呢家唯一令我想繼續做落去0既心純粹係因為唔想浪費左teammate及D所付出0既野。

今日D又對我用左一啲令我會覺得反感0既策略，又好多野，大家心裏明白，雖然知佢係為公司好，奈何我性格真係唔會為達成一件事而好盡力，原因係我對世間太多事都唔太上心，我知佢好盡力，所以都唔會怪佢，只係唔太適合我。

創業之五

由於個女星期一至五都返左黎住，再加上星期日要陪老婆，真係令我冇乜時間搞創業0既野，或者我創業0既心都係唔夠強烈，再加上創業真係太虛無縹緲，所以越黎越冇心機搞，我越黎越當呢樣野只係我生命中曾經玩過0既一個遊戲，或者隨時都會game over。

見到某90後 blogger由本來唔係讀金融，靠自己研究股票而達到財自，仲可以有人搵佢做佢夢想中的金融工作，真係好羡慕，以前我開始睇股神0既書再學買股票，以為自己真係理解及學識左，最後輸好多錢，直到呢家都好似冇學過啲咩，淨係靠跟人買，唔知幾時又輸晒啲錢，真係唔知自己係冇資質定係唔夠努力，所以我先做唔到佢咁。

期權金頂支出 - 3

 FSLY 28 Aug @$90被call 走了，升到$94.95。由六月開始做期權，所有股票平均黎講每月都升超過2%，真係買實股好過買期權，不過我做極SC都好少接到貨，再係咁落去，總有一次回調要焗住高位接大量貨，所以我開始盡量做啲一兩星期既SC同埋到期日都會盡量係唔同日子。

總括黎講，八月真係達到目標，袋到兩萬期權金，夠生頂支出有淨，不過真係步步驚心，好驚大浪一黎，自己就冇著褲。

創業之四

 呢個星期因為我做Database時走左方向，另到成件事拖延左一個星期，我感覺到D同我講野時都有種"無你咁好氣"0既感覺，但其實我個人黎講已經做得好急趕，算係好努力，但奈何一直行錯方向，所以結果都係唔掂，最後就令到成件事成條team 唔掂，我講0既所有野對於D黎講好似都係藉口，冇達到想要0既結果就係冇，其他野都唔駛講。由於我做0既Database 0既基礎走錯左方向，就會令到Design Team 做出黎0既野都走錯左方向，最後成間公司都走錯方向，其實有時間，慢慢改正，從頭做過，冇乜問題，不過D就係覺得今個星期冇達成佢預期0既結果，成條Team 就會散，之後就唔駛再做，我同佢0既對話已經開始有啲爭拗0既情況，但由於問題及責任在我，所以我都選擇淨係聽佢講，之後盡量去改善，行返一個正確方向。不過當佢覺得今個星期搞唔掂就散得，之後就可以放棄，咁樣同原本理念係，只要我地兩個唔放棄就可以繼續做落去有所違背，明明就算成team 走左，我咪再搵人繼續做咪得囉，一早已經預左有人會走嫁啦。當然，冇係deadline 前做好預期要做好0既野，冇交到一啲功課俾條team 睇，的確會令條team 冇乜心機繼續做落去。

另一方面，D同我講0既野真係令我反思自己好多，但感覺到佢用啲策略性0既說話方式黎激勵或令我內疚，心裏都係不由泛起反感的感覺，其實我真係越黎越想放棄，感覺呢家做緊0既野都唔係我心裏面真正想做0既野，純粹係為錢，每次同老婆講話想放棄0既說話，佢都會話我又講埋啲咁0既野，或者我都只係想逃避，但要堅持又談何容易，別人就咁講句唔咁易放棄就簡單。

最後，要提一提自己若放棄或失敗到要抱住感謝D及成Team人陪我玩左呢個遊戲咁耐0既心。

創業之三

 由6月20日第一次約見第一個人開始，到7月頭開第一個會，到今日公司算成立左2個月，一啲實際成品如易拉架亦以出街，今日去到sale呢一步，對於我黎講真係好難，同D傾電話，回顧返我每一個行動及舉動都令我更了解自己，好清楚自己唔係一個努力0既人，做野亦好求其，呢兩個月亦都冇乜改善，黎到呢一刻雖然未至於話想要放棄，但亦都冇乜心去令自己好努力，呢一次創業就算唔成功，起硬令我更加知道點解自己唔係一個成功0既人，雖然其實我自己之前都諗到，但今次令我可以更加面對現實。不過面對咁努力0既Teammate，真係有啲辜負左佢地。

打緊呢段文0既候，中山雅居樂打黎問我有冇興趣買樓，於是我問返佢有冇興趣做裝修買傢俬...見到自己咁講都覺得好笑，佢仲答我應該有機會合成吓。

創業冇起色，心思就會想放喺股票度，但股票始終唔夠穩，回報又未足以養全家，亦都唔係努力就可以提高回報，但係聽完"相安無事"，我都係覺得自己想簡簡單單，平平淡淡，所以成日都係想靠股票投資生活。

創業之二

差不多見左十個人，加晒入Group 再開埋會，最後全部都散晒，得返一個阿C繼續留喺度做野，間公司真係全部靠佢撑起。成日都會想放棄，最後都係靠住不停搵D打針先至可以繼續落去，再不停搵人見人，不知不覺又有七八個人做野，唔知啲人幾時會走，唯有不停輪迴，總之最重要係不停做啲野出黎再放出市場試反應。

期權金頂支出 - 2

美股納指實在升得好快，好多人YTD已經過100%，但我仲係負緊，所有人都講緊要買TESLA咁0既破壞性創新股，搞到我想做Short Put 都好難搵野做，好多要ATM先做到4%，但唔做就只有等，等又唔係辦法，唯有焗做。

一個月袋USD1700期權金，不過唔知最後駛唔駛接貨。

7 Aug 2020：

FSLY 之前short Put @$60，今晚到期，應該都袋硬，但前日見佢急跌十幾%，於是再做一星期Short Put @$90，點知琴晚又跌近20%，跌穿左$90，令我好猶豫搬唔搬倉好，最後都冇做到，另外做左DDOG Short Put @$80，點知呢隻一晚又跌10%，好彩仲未跌穿，我到底知唔知自己買緊咩同做緊咩?

最新期權表更新如下：

困局

呢家中午做外賣，踩盡都係兩個鐘$180，好彩有單做三個鐘就$270，其實每小時$90已經算係唔錯0既收入，但係過左午飯時段已經冇乜單，日日曬到嘔，出汗出到成件衫濕到透晒，加上肺炎要帶口罩，琴日送外賣去其中一棟大廈，管理員檢查體溫，37.6度唔俾人，之後打俾客又冇聽電話，餐廳叫我等體溫下降，大熱天時點降溫，咪玩啦，索性拎袋外賣返屋企食左佢。

創業方面繼續做緊，但係好似一直都唔順，最大問題都係在於自己唔夠料，越黎越覺得呢個世界日日都充斥住機會，問題係你有冇能力去把握，而我就係冇能力嗰個。經常都想放棄......

呢家外賣又搵唔到錢，又曬又辛苦到都開始唔想做，好想個天落多啲雨......創業方面相信有排都唔會有咩進展，再係咁入不敷出落去，真係入左一個困局......

期權金頂支出 - 1

六月不停做外賣真係做到好累，雖然我已經係hea 做同埋都只係開左22工，每日開工唔夠6個鐘，但係實在係日曬雨淋，加上每單0既錢得返$30咁小，最後只賺到$6091.64，六月家庭開支包括供樓費水電煤等就要$7,370.00，另外飲食開支等碎數就要$4,861.40，總支出就已經$12,231.40，未計我老婆每月都要俾供樓同工人錢$5,000.00，撇除個女讀書每月$5,000.00同埋保險每年6千，即係只計自己就每要拎萬三左右，計埋老婆嗰五千，就要萬八，計埋老婆洗費加女兒讀書保險就要三萬左右，真係好難搞。現在首要目標係要收入大過支出，即係要每月有萬三現金流入，再進一步目標就係要扣除支出儲到錢，再遠目標就係每月現金流入三萬。

整體黎講，工人錢同埋女兒學費都係可減的，但係未去到需要咁做0既地步。

經過今次先令我開始反思以前我阿媽一個月先搵得一萬幾千仲要養大兩個仔，仲要我就業後經常辭職唔做，帶埋女友食屋企住屋企，我阿媽開支係幾難頂。

不過都係嗰句，塞翁失馬焉知非福，冇今次失業，我就未必會反思呢啲野，唔會知道ARKK同Cathie Wood，唔會同"D"一齊玩創業，唔會做之後0既野，亦唔會變成之後0既我。

為左要頂到每月支出，做左上面呢堆期權，到底我會輸到仆街，連好辛苦儲落0既錢都輸埋，定係會幸運地俾我咁樣達到財自，行出一條我一直想行0既路，只有時間可以見證。

由我喺2020年7月3日Short Put ARKK，當時股價$72，2020年7月8日已經升到$80，幾日就升11%，即刻cap低樂活五線譜做記錄：