書 - 生命的心流

睇完呢本書0既介紹，諗住會好有心機睇，點知睇吓睇吓就開始飛黎睇，當人類達到心流狀態，時間就會過得好快，亦都會感覺好有意義，而要達到心流狀態，就要係我地面對的事情有一定難度，而我地能力亦都要發揮到最高峰，兩著配合。
其餘大致上都係一啲統計，講返人生點分配時間喺工作、維持類活動(飲食、沖涼)及優閒類活動(運動、看電視)，而工作原來係人類最多時候達到心流0既時候，另外就係專注及細心處理每一樣工作，改變自己的心態或許就可以喺本來無趣的工作或其餘事情上達到心流狀態，但真係知易行難。

當你沈浸在工作中，你便失去時間感，完全出神，全副精神都貫注在所做的事情上......當你將某件事情做得十分出色時，你會有一種難以言喻的感覺。

美國前桂冠詩人斯特蘭德(Mark Strand)

UA 借錢系列2 - 繼續買入中銀期權

上次的$0.036 期權金袋袋平安，但中銀股價今日已升到$3.61，二月的認沽期權已經冇乜肉食，為有焗住沽出三月認沽@$3.5，收期權金$0.041。

書 - 不怕做決斷

自覺自己從來都係不怕做決斷0既人，但老婆絕對係一個怕做決斷0既人，連諗訓前去唔去疴尿都決定唔到咁，睇呢本書本來純粹諗住睇完教返佢點做決斷，開頭睇都覺得冇乜用，因為本書教0既方法同我平時做決斷前諗0既野差不多，書中舉例如買電腦，先要諗清”目標”電腦的工能及要求再從眾多電腦中揀三個作"利弊比較"，進行利弊比較時一定要用紙寫出黎，因為只用腦諗的話，人類都會直覺地規避弊處，只諗好處從而直覺地作出選擇，我覺得都講得幾啱同幾有用，另外，目標亦要設定底線。另外亦要”預想”作出選擇後，每一個選擇將會帶來0既後果及選擇後出現問題時如何應變及改變選擇。

老婆系列2 - 鑽戒

差不多又到情人節，無可否認，我比起好多男士，的確係做小好多野又好小送禮物，但對於你今年話要送鑽戒俾你，我真係覺得有啲煩，雖然我地屋企唔算好窮，但只要我一失業，要應付每個月萬大約兩萬的家庭支出，真係有點吃力，所以我先成日叫你買多啲股票收息，直到每月收到0既息可以多過每月的家庭支出都不要鬆懈，所以我寧願用多啲錢送股票俾你，都唔寧願買一啲無謂0既消費品給你，雖然聽說呢家連鑽石都可以保值，但我真係唔知你要買嗰隻鑽戒有冇呢個功效，雖然萬多元的東西我們家還負擔得起，但辛苦工作大半個月才換來這種消費品真的值得嗎!?不是說完全不買消費品，但係要喺財政餘裕0既時候才買會比較好，否則只是充大頭鬼吧!

老婆系列1 - 拜年

先旨聲明，寫得老婆系列，雖然係陳述事實，但難免會有所偏頗，而不夠中立，因為都係由"我"心裏所想再寫出來。

每年要去老婆阿媽屋企拜年都覺得好麻煩，今年年廿九就要去佢錦上路間屋食晚飯，點知年初一又要過佢喺我地隔黎棟樓間屋拜年，未餵到我個女食粥，又要再去老婆居於深水埗的親戚家拜年，本來我老婆係諗住咁就可以完結，點知老婆又再問佢阿媽，聽日仲駛唔駛過錦上路，佢阿媽又話最好早上去，搞到年初二又要再過老婆阿媽錦上路間屋再拜年，真係拜到嘔，老婆的兩個阿哥除左年廿九去左錦上路間屋食晚飯外，之後應該都冇再搞咁多呢啲野，但我竟然要搞咁多，根本就係因為我老婆乜都淨係識問阿媽，之後又跟佢指示，到我俾意見又唔聽，又唔跟我指示，點都好，下年年初一一定選擇返柴灣我阿媽度，年初三返元朗我阿婆度，得返年初二俾你。

夢 - 工人要買老花水

我抱著女兒與工人經過藥房，工人要求我先付錢幫她買一枝"老花水"的東西，她回到家先再把錢還給我，我問她為何不看醫生，她說她已看醫生，是醫生叫她買"老花水"的，於是我就先付錢幫她買。

夢 - 東南亞古代

我置身於一個講台之下的觀眾席，但不知為何由我說話，突然發現台則貨倉著火，感覺好似這是第二次發生咁，逃出門口後，我與一隊兵隊追查火燭事件，發現三個武功不俗的青年躺在七層塔的最上層，我與數人一同攻上七層塔，其中一個刺客於六層伺機突襲，但由於該刺客的殺氣太強，當他想突襲其中一個青年時，就讓那青年發現。

UA 借錢系列1 - 買入中銀期權

上次講過有零息借貸，免息免手續費，本來諗住咁小錢，唔鬼借，但諗諗吓都係覺得應該要嘗試及學習吓，網上填完啲資料，交埋啲文件都好易，唔太花時間，但之後要落分行簽合約，點知原來份合約唔係一早準備好，等左二十分鐘都未搞掂，又趕時間，所以最後決定唔等，等佢地準備好晒，第二日先再上去簽，好彩第二日一去到就拎到份約出黎，但實在都幾多野簽，都搞左十五至二十分鐘，搞掂即刻有張現金票，每月會喺銀行戶口自動扣數還錢，最後借了$33,000，每月還給2,750，本來想直接買入現價$3.48 (23 Jan 19)，有6厘息的中銀收息，但由於中銀通常於6或7月先除淨，所以最後決定先沽出一月認沽期權@$3.5，睇吓到時接唔接到貨，接唔到貨就收0.036權金，佣金加收費共$35。就睇吓我借錢投資，一年後0既果係點啦，不過一年後結果唔代表係最後0既結果。

25 Jan 現時股價為$3.56，本來等月尾大約有1%的期權金，如果當日直接買貨，呢家賣出就賺多過1%，但若果當日買完貨，股價跌低過$3.5又係另一回事，不過真係要好好諗諗及比較，平時到底應該做期權定直接買貨做short covered call，定係買完貨淨等收息。

通渠彈弓

由搬入呢間屋住左幾年到呢家，屋企企缸去水都好暢通，但自從新工人黎左之後就去得好慢，好似塞左咁，於是就喺淘寶淘左個通渠彈弓，試左陣，隊枝野入去都好似冇乜難度咁，抽返出黎又冇乜料到，於是試吓盡量隊入啲，攪耐啲，最後真係抽左舊野出黎，真係核突到嘔。

之前問過個水喉佬，佢話最好用泵泵佢，如果未淘呢個通渠彈弓，都係寧願用泵泵走佢，唔駛咁核突。

不過無可否認，用呢個通渠彈弓真係解決到問題，幾十蚊就搞掂，有興趣嘅朋友請按以下連結購買。

米选通下水道神器通马桶工具家用一炮通厕所疏通器捅管道堵塞手摇【包邮】

【在售价】27.36元

【券后价】17.36元

【下单链接】https://m.tb.cn/h.3sOoR6Y

-----------------

复制这条信息，￥mdFkbJ6FgHi￥ ，打开【手机淘宝】即可下单

米选通下水道神器通马桶工具家用一炮通厕所疏通器捅管道堵塞手摇【包邮】

【在售价】27.36元

【券后价】17.36元

【下单链接】https://m.tb.cn/h.3s1W4Ov

-----------------

复制这条信息，￥BLP0bJ6uNMy￥ ，打开【手机淘宝】即可下单

書 - 當下的力量

當下的力量係一本問答形式0既靈性書，比起遇見未知的自己0個種故事形式，當下的力量顯得比較沉悶同難真正明白當中所講0既野，又或者可以話要明白似難非難，但要做到就好難咁，成本書內容可以用四個字形容晒，就係活在當下，除了當下，我地仲可以喺邊個時區生存呢!?其中有一段，睇完令我會心微笑，大致上係講，當你懶洋洋乜都唔想做時，就由得自己懶洋洋乜都唔做啦，完全講中我經常會出現0既狀態，但另一放面又會諗，唔諗未來，唔為自己將來打算，真的可以嗎!?若果每個人都咁樣做，世界應該會大亂。抑或其實我地當吓都應該繼續做投資，繼續讀書等，但當下做這些事，不用想太多將來及結果。書中又講，世界大戰或屠殺等問題，都係因為人類只諗將來，想將來達到某些理想國咁，所以才會形成，所以人類都係應該活在當下，而李天命亦都有講過要活在當下，另外佢講0既神秘樂觀亦都同書中所講0既臨在類似。

ibond、通脹、定期、借貸

剛收到了ibond 派的2.43%利息，計算時期為20 Jun 2018 - 19 Dec 2018。以我所認知，即該段其間通脹為2.43%；剛做了一個定期年息為2.6%；最近UA有個零息貸款，經查詢後，確認係免手續費，但上限HKD50,000或月薪一個月，以較低為準，由於最後可借到的錢太小，仲要每月還本，所以最後都冇借到。另外見citi税貸可做到2.01%， 表面諗，借2.01%的稅貸，再放入銀行做年息2.6%的定期，有0.59%的息差賺，但這個稅貸係要每月還本，變相每月提早拎啲錢黎供個定期，仲未計通脹。